‘WiFi4EU’, iniciativa për të ofruar internet falas në të gjitha hapësirat publike në shtetet e BE-së


Komisioni Europian bëri të ditur lajmin e arritjes së marrëveshjes mes Parlamentit Europian dhe Këshillit Europian për të nisur iniciativën ‘WiFi4EU’, e cila parashikon instalimin e ‘WiFi Hotspots’ në sheshet publike, parqet, spitalet dhe hapësirat e tjera publike në të gjithë BE-në.

Marrëveshja politike përfshin një angazhim nga të tre institucionet për të caktuar 120 milionë euro për të financuar pajisjet për shërbime falas publike Wi-Fi në 6,000 deri në 8,000 bashki në të gjitha vendet anëtare.

Burimet specifike të financimit do të finalizohen në rishikimin e kuadrit financiar shumëvjeçar të BE-së, u tha në deklaratën e KE-së, duke shtuar se autoritetet lokale do të jenë në gjendje të aplikojnë për fonde sapo të krijohet sistemi. Granti, i ndarë në formën e kuponëve, do të përdoret për blerjen dhe instalimin e pajisjeve, ndërkohë që autoriteti publik do të mbulojë kostot operative të vetë lidhjes.

Iniciativa WiFi4EU u prezantua për herë të parë nga Presidenti i Komisionit Europian, Jean-Claude Juncker, në shtator të vitit 2016, i cili shpresonte se do të kontribuonte në vizionin “çdo fshat europian dhe çdo qytet me qasje të lirë në internet në qendrat kryesore të jetës publike deri në vitin 2020.

Komisioneri europian për tregun e brendshëm dixhital, Andrus Ansip, e përshëndeti marrëveshjen duke thënë se iniciativa do mund të përmirësojë lidhshmërinë mbi të gjitha vendet ku aksesi i internetit është i kufizuar.

“WiFi4EU është hapi i parë i mirëpritur, por shumë më tepër duhet të bëhet për të arritur lidhjen me shpejtësi të lartë në të gjithë territorin e BE-së, si përmirësimi i koordinimit të spektrit në të gjithë Europën dhe nxitja e investimeve në rrjetet me kapacitet të lartë që ka nevojë Europa”,-u shpreh ai.

burimi: monitor

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale