WhatsApp po u kufizon përdoruesve të tij shpërndarjen e një mesazhi në jo më shumë se 5 herë, me qëllimin për të parandaluar përhapjen e informacioneve të rreme në këtë platformë.
Biznesi në zotërim të Facebook e ka aplikuar këtë lloj politike në Indi 6 muaj më parë.
Lëvizja e tij pasoi vrasjet e bëra nga turma njerëzish të zemëruar, episode për të cilat u fajësua përhapja e informacioneve të pavërteta përmes këtij aplikacioni.
Deri më tani, përdoruesit e WhatsApp mund ta shpërndanin një mesazh 20 herë. Përditësimi i rregullave u njoftua gjatë një eventi të organizuar në Xhakarta të Indonezisë.
Firma thotë se vendimi i marrë ishte rezultat i një vlerësimi të kujdesshëm, pas testimeve të bëra në këtë vend përgjatë gjysmës së vitit.
“Limiti i vendosur e redukton ndjeshëm dërgimin e mesazheve nëpër botë”, tha një zëdhënëse e platformës.
Kjo, sipas saj, do të ndihmojë që WhatsApp të fokusohet te mesazhet private me rrethin e ngushtë, e me kalimin e kohës do të shihen mënyra të tjera për të zgjidhur çështjen e trajtimit të përmbajtjes virale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
