Gjenerali në pension tashmë, Wesley Clark, është emëruar anëtar nderi i Dhomës Ekonomike Amerikane të Kosovës dhe anëtar nderi i Bordit të Guvernatorëve të saj. Bordi i Guvernatorëve e ka miratuar propozimin e Drejtorit Ekzekutiv, Arian Zekës, që Clarku të nderohet nga kjo Dhomë.
“Ndihemi jashtëzakonisht të nderuar dhe të privilegjuar që një personalitet i shquar si gjenerali Clark, i cili ka dhënë një kontribut të jashtëzakonshëm për Kosovën, e ka pranuar këtë rol në përvjetorin e njëzetë të organizatës sonë”, u tha nga OEAK.
Ky vendim pritet të forcojë marrëdhëniet ekonomike midis Shteteve të Bashkuara të Amerikës dhe Kosovës, si dhe të promovojë investimet në të dyja vendet.Wesley K. Clark është Kryetar dhe CEO i Wesley K. Clark & Associates dhe ka qenë i përfshirë në shumë industri, përfshirë energjinë dhe financat. Gjenerali Clark gjithashtu ka bërë kontribute të rëndësishme në sigurinë kombëtare dhe ndërkombëtare, duke udhëhequr forcat e NATO-s gjatë Operacionit Allied Force dhe duke luajtur një rol kyç në Dayton Peace Process. Karriera e tij e shquar ushtarake dhe arritjet e tij të gjera në biznes dhe akademi i kanë sjellë atij shumë çmime dhe nderime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
