Wallpaper-i i cili parandalon përhapjen e Covid-19 në telefonin tuaj

Wallpaper-i i cili parandalon përhapjen e Covid-19 në telefonin tuaj


Mjeti ku mbështeteni më shumë, për të mbajtur kontakte me familjet tuaj, miqtë dhe lajmet për atë që po ndodh në botë, mund të jetë gjithashtu burimi më i keq i infektimit me Covid-19. Pa dyshim, përdoruesi tipik i celularit përdor telefonin rreth 80 herë çdo ditë dhe prek ekranin 2,617 herë, sipas Apple dhe një studimi nga firma kërkimore Dscout ,publikuar në Business Insider.

Lexo: Covid Symptom Tracker: Aplikacioni më i shkarkuar që gjurmon simptomat e Covid-19

Kjo do të thotë ka 80 shanse më shumë për t’u infektuar nga Covid-19.

Për të rritur ndërgjegjësimin në lidhje me këtë të vërtetë tronditëse dhe për t’i mbajtur njerëzit të sigurt, një ekip krijues me qendër në Londër, i përbërë nga Renato Tata dhe Stefania Esposito, kanë krijuar një seri Wallpapers të përkohshme të quajtur #AntiCovid19Screensaver që mund të ndihmojnë në parandalimin e përhapjes së Covid-19. Ose të paktën, të ndihmojë në ngadalësimin e përhapjes së virusit.

“me fokus krijimin ne e ndjemë si përgjegjësi të bëjmë atë që mundemi për të ndikuar në parandalimin e përhapjes së COVID-19.” – u shpreh Renato Tata

Për t’i shkarkuar ato klikoni KËTU

Sa herë që prekni ekranin, shqetësimi ju prezantohet me fjalë, duke shërbyer kështu edhe si një rikujtesë për të larë duart tuaja dhe për të dezinfektuar ekranin e telefonit tuaj. Për këtë arsye larja e duarve tuaja vjen në fillim,  më pas prekja e telefonit.

Ideja u lançua për herë të parë në Instagram. Duke përdorur Instagram Stories, Renato dhe Stefania ftuan miqtë e tyre të provonin këtë eksperiment. Duke bërë thjesht një screenshot nga ekrani, të gjithë mund të kopjonin dhe vendsnin #AntiCovid19Screensaver si një wallpaper rikujtues në pajisjet e tyre.

“Të themi të drejtën nuk e prisnim një reagim të këtyre përmasave. Por jemi të lumtur që njerëzit e pëlqejnë dhe është diçka që e përdorin” – tregon Stefania Esposito.

Shumë shpejt, gjatë javës, #AntiCovid19Screensaver filloi të përhapet në mediat sociale dhe deri më tani komuniteti e ka mbështetur idenë.

Lexo: Webinar: Biznes në kohën e Koronavirusit

Kjo është jo vetëm kreative, por edhe një zgjidhje e thjeshtë dhe e dobishme për diçka kaq të rëndësishme për të gjithë ne këto ditë. Qëllimi i vetëm është që njerëzit ta përdorin atë dhe të shpërndajnë #AntiCovid19Screensaver në vend të virusit.

Ia vlen të përmendet se në më pak se një javë nga lançimi i tij, ky projekt është publikuar në mediat e mirënjohura ndërkombëtare me fokus reklamat, kreativitetin dhe PR, si  Ad Age (US), Little Black Book (UK),
Clube De Criacao (Brazil), Ads of the World, rrjeti global i WPP dhe shumë të tjerë.

Website: https://www.anticovid19screensaver.com/

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0