Kaltrina Fejza, njëra nga studentet fituese, tha se është kënaqësi e dyfishtë kur edhe studion në UP edhe e përfaqëson këtë universitet.
“Të jesh student i Universitetit të Prishtinës, por edhe ta përfaqësosh atë në gara ndërkombëtare është krenari dhe kënaqësi e dyfishtë”, rrëfeu Kaltrina.
Për suksesin e studenteve të UP-së, u shpreh i lumtur edhe dekani i Fakultetit të Edukimit Fizik dhe Sportiv, prof.Musa Selimi, i cili tha se këto vajza kanë përfaqësuar denjësisht universitetin.
“Jam i lumtur për suksesin që kanë arritur vajzat tona në këtë garë ndërkombëtare. Me këtë sukses dhe paraqitjet e tjera që kemi pasur në të tilla kompeticione, kemi dëshmuar se si universitet kemi vlera të nivelit të lartë”, tha Selimi.
I pari i Universitetit të Prishtinës, prof. dr. Marjan Dema, uroi studentët për suksesin e arritur,
“Është kënaqësi kur studentët tanë konkurrojnë me studentët e universiteteve të tjera në dije, por edhe në sport, gara në të cilat studentët tanë kanë rezultuar çdoherë të suksesshëm”, tha Dema.
Në finalen e kësaj gare, Universiteti i Prishtinës arriti të fitojë ndaj Universitetit të Gentit, Belgjikë, duke e lënë këtë universitet në vendin e dytë me rezultat 2:0.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
