Msc. Manjola Perja, kontributore
Vlerat janë çelësi i së ardhmes sepse:
- Vlerat fillojnë dhe mbarojnë me secilin prej nesh.
- Ne duhet t’i mbajmë vlerat tona gjithnjë në mendje dhe t’i jetojmë ato në mënyrë autentike gjatë gjithë jetës sonë, në familjet tona, në komunitetet tona, në punë, në lojë etj.
- Ne duhet të ndiejmë se ndajmë disa nga vlerat tona thelbësore me ata që kalojmë kohën tonë dhe me ata që na rrethojnë në grupet, organizatat tona dhe shoqërinë tonë. Në të kundërt do të ketë tjetërsim, cinizëm dhe stres.
- Eksplorimi i vlerave të njëri-tjetrit mund të na ndihmojë të kuptojmë njerëzit me të cilët ne nuk pajtohemi dhe njerëzit që janë të pa njohur. Edhe nëse akoma kemi dallime, ne të paktën mund të respektojmë më shumë njëri-tjetrin.
- Në një kohë të ndryshimeve të shpejta sociale dhe ekonomike, vlerat tona na japin stabilitet dhe shpresë. Ato na ndihmojnë t’i drejtohemi ndryshimit dhe të punojmë në mënyrën më të mirë për të ecuar përpara.
A janë të rëndësishme vlerat?
Vlerat janë të rëndësishme për ne dhe janë themeli i jetës sonë.
Ata janë parime të ruajtura fort që drejtojnë zgjedhjet dhe sjelljet tona dhe ndikojnë në emocionet tona.
Vlerat janë thelbi i asaj që ne jemi, ata gjërat thelbësore për të cilat ne kemi nevojë në jetën tonë, të ndjejmë lumturi, kënaqësi dhe përmbushje.
Ata janë motivuesit, nxitësit tanë. Ata janë pasioni i zemrave tona dhe arsyeja pse ne bëjmë gjërat që ne bëjmë.
Ata janë si një busull që udhëzon sesi jetojmë jetën tonë, si në shtëpi ashtu edhe në punë. Kur e harrojmë atë busull, ne marrim kthesën e gabuar. Është njëjta gjë për familjet, komunitetet tona, për të gjithë botën.
Lexoni: Çfarë është dinamika e ego-shpirtit?
Individët që udhëhiqen nga vlerat janë:
- Të lumtur, të përmbushur, gjithnjë në rritje
- Të balancuar emocionalisht, të shëndetshëm shpirtërisht dhe fizikisht
- Kanë një udhëzues të besueshëm përmes zgjedhjeve, sjelljes dhe marrëdhënieve të jetës
- Marrin përgjegjësi, janë të angazhuar, të motivuar, të fuqizuar.
Grupet / Organizatat që udhëhiqen ndaj vlerave:
- Janë në gjendje të punojnë së bashku në mënyrë efektive;
- Marrin vendime më të mira, më të shpejta;
- Janë të motivuar nga besnikëria, dobia, përmbushja, rritja;
- Kanë kulturë harmonike, produktive.
Individët që nuk udhëhiqen nga vlerat:
- Janë të hutuar, të pakënaqur, të pashpresë;
- Janë të stresuar, të paekuilibruar, negativ, nuk kanë fokus, ndjehen të padenjë;
- Marrin vendime dhe zgjedhje të dobëta të jetës, kanë sjellje të çrregullt, nuk janë të besueshëm;
- Fajësojnë të tjerët, kanë nivel të ulët të angazhimit dhe motivimit.
Grupet / Organizatat që nuk udhëhiqen nga vlerat:
- Janë të përçarë, përgojues, xhelozë, kanë rivalitetet
- Janë të pakujdesshëm, të pa përqendruar, të pafrymëzuar, të motivuar në mënyrë egoiste
- Kanë kulturën e pabesisë, mosangazhimit.
Burimi: Charles Fowler Founder WVD community
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
