Vidhen të dhënat e 81 mijë llogarive të përdoruesve në Facebook » Business Magazine Albania – Media Dixhitale dedikuar Sipërmarrjes
Përditësuar së fundmi: 05/11/2018

Vidhen të dhënat e 81 mijë llogarive të përdoruesve në Facebook

Share
nga Anerola Torollari
Nën 05, 2018
Studied at Faculty of Science, Content Editor Biznesi at Business Magazine
lexo me teper >

Hakerët kanë aksesuar mesazhet private të mbi 81,000 llogarive në Facebook, sipas një hetimi të zbuluar nga BBC.

Hakerët kanë postuar reklama, një prej të cilave është parë nga BBC në një forum në gjuhën angleze, duke ofruar akses në llogaritë e njerëzve për 10 cent secila.

BBC zbuloi reklamën në Shtator, e cila pretendonte: “Ne shesim informacion personal të përdoruesve të Facebook. Baza jonë e të dhënave përfshin 120 milionë llogari.” Firma për Sigurinë Kibernetike Digital Shadows hetoi këtë reklamë dhe zbuloi se më shumë se 81,000 llogaritë e vendosura në internet përmbanin mesazhe private.

Lexoni: Facebook prezanton më në fund funksionalitetin e shumëpritur nga të gjithë

Shadows Digital gjithashtu konfirmoi se ishte publikuar informacion personal si numrat e telefonit dhe adresat e email-it nga 176,000 llogari të tjera.

Shumë nga përdoruesit e prekur thuhet se janë nga Ukraina dhe Rusia, edhe pse ka pasur përdorues të prekur në shumë vende të tjera, përfshirë SHBA, Mbretërinë e Bashkuar dhe Brazil. Një nga faqet e internetit ku hakerët postuan të dhënat u konstatua të jetë vendosur në Shën Petersburg.

Shërbimi rus i BBC-së ka kontaktuar pesë përdoruesit rusë të prekur nga hakimi dhe konfirmoi se mesazhet ishin të tyret. Mesazhet përfshinin fotografi pushimesh, ankesa për një dhëndër dhe një bisedë “intime” midis dy të dashuruarve.

Jo një shkelje në Facebook

Facebook tha se mesazhet nuk u arritën përmes një shkeljeje në sigurinë e saj, por më tepër një extension i dyshimtë i browser-it.

Bazuar në hetimin tonë deri më tani, ne besojmë se ky informacion është marrë përmes instalimit të extensions të dëmshëm në browser jashtë Facebook,” tha ekzekutivi i Facebook Guy Rosen në një deklaratë dërguar Business Insider.

Lexoni: Një lëvizje e re e Facebook për të kthyer të rinjtë në aplikacion

“Ne kemi kontaktuar krijuesit e browser për të siguruar që extensions e njohura me qëllim të keq të mos jenë më në dispozicion për t’u shkarkuar në dyqanet e tyre dhe shkëmbyem informacione që mund të ndihmojnë në identifikimin e extensions shtesë. Ne gjithashtu kemi kontaktuar me zbatuesit e ligjit dhe kemi punuar me autoritetet lokale për të hequr faqet e internetit që shfaqin informacion nga llogaritë e Facebook. Ne i inkurajojmë njerëzit që të kontrollojnë extensions e shfletuesit që ata kanë instaluar dhe të heqin çdo gjë që ata nuk i besojnë. Ndërsa vazhdojmë të hetojmë, ne do të ndërmarrim veprime për të siguruar llogaritë e njerëzve sipas nevojës.

Shumë njerëz shtojnë extensions në shfletuesit e tyre, siç janë ad-blockers ose spell-checkers dhe kjo sjell si pasojë dhe vjedhjen e të dhënave.

burimi: BusinessInsider