Dhoma Ekonomike e Gruas ka organizuar ditën Premte, datë 27 Nëntor trajnim mbi Sipërmarrjen Financiare, ku u trajtuan çështje si: burimet e financimit të një biznesi, kreditë dhe grantet. Në cilat kushte mund të aksesojmë projekte dhe grante kur jemi në kushtet e një biznesi të vogël, të mesëm apo të madh, etj. Trajnimi ka pasur një interes shumë të madh, u vu re pjesëmarrje e konsiderueshme zonjash sipërmarrëse, rreth 50 zonja të pranishme në trajnim, antare të Dhomës Ekonomike të Gruas si dhe sipërmarrëse të tjera. Për më shumë se dy orë interaktive, zonjat kanë ndarë shqetësimet dhe pyetje të ndryshe, ku pjesa më e madhe ishte e përqëndruar specifikisht mbi mënyrën se si duhet të operohet për të përballuar me sukses ndryshimet e tregut, pas pandemisë së Covid 19.
Disa tema dhe nevoja që dolën në pah gjatë takimit janë:
- Si të marketojmë biznesin në vendet fqinje
- Si mund të kemi akses të bëjmë biznes jashtë Shqipërisë, duke shfrytëzuar kapitalin që kemi në Shqipëri?
- Si mund të aksesojmë projekte dhe grante në organizma ndërkombëtarë si BERZH, Banka Botërore, etj.
- Nga vetë grupi doli sërish si nevojë bashkëpunimi dhe ndërlidhja e zonjave në Shqipëri që kanë një biznes.
Duke parë interesin e bizneseve të pranishëm në trajnim Dhoma Ekonomike e Gruas së shpejti do të organizojë trajnime të tjera me temat që erdhën si nevojë e vetë bizneseve.
Lexo: Industria e eventeve dhe COVID – 19: Vlera e një eventi virtual në kohë pandemie
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
