Vaksinat, përfshirë ato kundër Covid-19, mund të shkaktojnë reagime të mundshme anësore, por teknologjia mund të ndihmojë. Monitorimi i efekteve anësore pas vaksinimit, nga dhimbjet e kokës deri te dhimbjet e muskujve, nga ethet deri te të përzierat, është qëllimi i “Generator App Vaccinale”, një aplikacion për smartphone, i zhvilluar nga “Gemelli Generator”, një qendër e përparuar e Fondacionit Poliklinik të “Gemelli Irccs”, në bashkëpunim me kompaninë belge “Innovation Sprint”.
I gjithë stafi i fondacionit, së bashku me administrimin e dozës së parë të vaksinës, është ftuar të shkarkojë në smartphone aplikacionin, i pajtueshëm me iPhone dhe Android, dhe të regjistrohen. Stafit do t’i kërkohet të raportojë çdo ditë për reagimet anësore të vaksinimit dhe në shtatë ditët në vijim, përmes një pyetësori të lehtë për t’u plotësuar.
LEXO: Moderna: Vaksina jonë efektive edhe ndaj varianteve të reja të Covid-19
Aplikacioni është në përputhje me protokollet ISO dhe është certifikuar si pajisje mjekësore. “Zhvillimi i kësaj zgjidhjeje, është një shembull konkret se si është e mundur të kombinohen kërkimet me parandalimin, duke përfaqësuar një zonë strategjike në të cilën në të ardhmen e afërt do të vazhdojmë të përqendrohemi shumë”, shpjegon Giovanni Scambia, drejtor shkencor i “Gemelli Generator”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
