Ushqehemi shëndetshëm?! Ndiqni këto këshilla

Një gjë që ka filluar të bëhet e dukshme edhe mes shqiptarëve është “mosshijimi i ushqimit”. Për pjesën më të madhe të punonjësve e sipërmarrësve, dreka nuk është më një takim familjar, madje edhe darka është në rrezik.

Në një intervistë për Businessmag.al, Maurizio Cantalini, themelues i rrjetit të restoranteve në Tiranë “Vita 99” jep disa këshilla për një mënyrë më të shëndetshme ushqyerje:

Hani në shoqëri

Ushqimi duhet të shijohet në tavolinë, i rrethuar nga një shoqëri e mirë, në rastin ekselent nga familja. Konsumi i produkteve në shoëri dhe pa nxitim, është një terapi e brendshme sipas tij.

Lexoni: LaPiat, Startup-i nga Toronto ju fton të shisni ushqimet që gatuani nga kuzhina juaj

Shmangni ngrëniet në këmbë apo para kompjuterit.

Kur jeni në këmbë, duke ecur apo para kompjuterit, po ushqeheni pa mendje. Rrjedhimisht nuk ruani ritmin e duhur të ushqyerjes, mund ta teproni me ushqimin, pasi nuk jeni duke e dëgjuar trupin nëse po ju kërkon apo jo ushqim. Të ngrënit shpejt dhe shumë, vështirëson procesin e tretjes.

Përcaktoni oraret e ngrënies dhe respektojini ato

Çdo ushqim, çdo vakt ka kohën e vet. Stomaku mësohet me orarin e ushyerjes, dhe nëse bëjmë të kundërtën aparati tretës gjendet i papërgatitur për të përpunuar ushqimin.

Lexoni: 5 Rregullat e të ushqyerit mirë

Hani pak nga të gjitha

Një këshillë e vlefshme për shqiptarët dhe ballkanasit është të mos fokusohemi vetëm tek mishi dhe sallata.

Pak karbohidrate, pak protenia, është një mënyrë më e lehtë e të ushqyerit për metabolizmin tonë.