Renditja globale e universiteteve për vitin 2025 është më e madhja ndonjëherë, duke përfshirë mbi 1,500 universitete nga 105 sisteme arsimore në mbarë botën. Shtetet e Bashkuara mbajnë vendin e parë për nga numri i institucioneve të renditura, me 197 universitete, të ndjekura nga Mbretëria e Bashkuar me 90 dhe Kina kontinentale me 71 universitete. Për të 13-in vit radhazi, Massachusetts Institute of Technology (MIT) në SHBA mban pozicionin e parë si universiteti më i mirë në botë, me një vlerësim të përgjithshëm prej 100 pikësh.
Një ngjitje të ndjeshme këtë vit ka bërë Imperial College London, i cili është ngjitur me katër vende, duke zënë vendin e dytë, ndërsa University of Oxford dhe Harvard University ndajnë respektivisht vendin e tretë dhe të katërt. University of Cambridge plotëson pesëshen e parë më të mirë në botë.
Top 10 Universitetet më të mira në botë për vitin 2025:
| Vend | Universiteti | Vendi | Pikët totale |
|---|---|---|---|
| 1 | Massachusetts Institute of Technology (MIT) | SHBA | 100 |
| 2 | Imperial College London | MB | 98.5 |
| 3 | University of Oxford | MB | 96.9 |
| 4 | Harvard University | SHBA | 96.8 |
| 5 | University of Cambridge | MB | 96.7 |
| 6 | Stanford University | SHBA | 96.1 |
| 7 | ETH Zurich – Swiss Federal Institute of Technology | Zvicër | 93.9 |
| 8 | National University of Singapore (NUS) | Singapor | 93.7 |
| 9 | University College London (UCL) | MB | 91.6 |
| 10 | California Institute of Technology (Caltech) | SHBA | 90.9 |
Kjo renditje thekson përkushtimin global ndaj cilësisë në arsimin e lartë, duke nënvizuar gjithashtu rritjen e konkurrencës nga universitetet në Azi dhe Evropë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
