Në vitin 2027, United Airlines do të sjellë një inovacion për udhëtarët e klasës ekonomike me lançimin e “Relax Row”, karrigeve ulëse që mund të shndërrohen në shtrat gjatë fluturimeve të gjata. Çdo rresht përbëhet nga tre ulëse ekonomike me mbështetëse për këmbët që mund të ngrihen për të krijuar një sipërfaqe të sheshtë, ndërsa udhëtarët do të marrin një dyshek, batanije dhe dy jastëk (plus një lodër për fëmijët).
Ky opsion mund të rezervohet si individ, çift ose familje me tre persona, me deri në 12 rreshta të dedikuar për çdo aeroplan. Deri në vitin 2030, “Relax Row” do të jetë i disponueshëm në më shumë se 200 avionë 787 dhe 777 të United Airlines.
Ky koncept nuk është i ri: Air New Zealand ofron prej 2011-ës opsionin Skycouch, ndërsa Lufthansa ka “Sleeper’s Row” për fluturimet më të gjata se 11 orë. Diferenca e United është se “Relax Row” sjell mbështetëse për këmbët që zgjasin hapësirën për shtrirje, duke e bërë eksperiencën më komode për udhëtarët e klasës ekonomike që nuk duan të përmirësojnë biletën në klasën dedikuar biznesit.
Ky zhvillim pasqyron një trend në industrinë e aviacionit ku linjat ajrore po synojnë të maksimizojnë komoditetin për udhëtarët, duke u ofruar atyre një përvojë të ngjashme me business class, pa kosto të larta.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
