Më 13 Qershor 2023, “Unioni për Mesdheun” organizoi për herë të parë në Tiranë konferencën “Punësimi i të rinjve dhe e ardhmja e punës”.Ky aktivitet u organizuar nga Unioni për Mesdheun në bashkëpunim me Bashkëpunimin Gjerman për Zhvillim (GIZ).
Kjo konferencë e nivelit të lartë gjithashtu u mbështet nga Ministria e Financave dhe Ekonomisë në Shqipëri, Rrjeti i Profesionistëve të Rinj dhe Drejtoria e Përgjithshme e Komisionit Evropian për Punësimin, Çështjet Sociale dhe Përfshirjen.
Konferenca mblodhi së bashku 60 partnerë dhe pjesëmarrës nga i gjithë Mesdheu dhe pati fokusin në organizatat rinore, rrjetëzimin, programet suportuese lokale dhe rajonale ashtu si dhe aftësive sipërmarrëse për të ardhmen.
Takimi u hap nga Dr. Albderkader El Khissassi (Zëvëndës Sekretar Gjeneral për Zhvillimin Ekonomik dhe Punësimin në Bashkimin për Mesdheun), duke pasuar nga Znj.Delina Ibrahimaj (Ministër i Financave dhe Ekonomisë) dhe Z.Andre Vera (Drejtues i Sektorit të Zhvillimit Social dhe Ekonomik të Qëndrueshëm) nga Delegacioni i Bashkimit Europian në Shqipëri.
Paneli i parë i diskutimit ‘‘Programet kombëtare dhe ndërkombëtare të programeve të mbështetjes rinore’’ u moderua nga Znj. Olta Manjani, Zëvëndës Ministër i Financave dhe Ekonomisë dhe pati si panelistë Znj. Cristina Mereuta, Eksperte e Lartë për Zhvillimin e Kapitalit Njerëzor pranë Fondacionit Evropian të Trajnimit (ETF); Znj. Françeska Muço, Drejtoreshë Ekzekutive pranë Rrjetit të Profesionistëve të Rinj (YPN); Znj. Clara Gruitrooy, Sekretare e Përgjithshme pranë Shoqatës Europiane-Mesdhetare-Arabe (EMA) e.V.; Znj. Virginie Losson, Koordinatore pranë Sipërmarrësit e Rinj të së Nesërmes (YET hub) dhe Znj. Floriane Brackx, Drejtor Menaxhues pranë StartLAB.BRUSSEL.
Paneli i dytë i diskutimit ‘‘Aftësitë Sipërmarrëse për të Ardhmen’’ u moderua nga Znj. Emmanuelle Roure, Udhëheqëse e Ekipit Fqinjësia dhe Zgjerimi, Njësia për Çështjet Ndërkombëtare, Drejtoria e Përgjithshme e Punësimit, Çështjeve Sociale dhe Përfshirjes, Komisioni Evropian dhe pati si panelistë Z. Ahmed Hadi Bashkëthemelues në MIMIR; Z. Vincent Mano Shef i Njësisë “Debati dhe Shtetësia”, Instituti i Francës; znj. Yousra Mshmsh Menaxher Rajonal në programin Paqja së Pari pë Lindjen e Mesme dhe Afrikën e Veriut; Znj. Farah Chamas Drejtore e Programeve, Nucleus Ventures – Liban.
Paneli i tretë i diskutimit ‘‘Historitë e Suksesit të Entiteteve të Udhëhequra nga Rinia’’ u moderua nga Z. Mohammed Elrazzaz, Shef i Sektorit për Integrim Rajonal dhe Vlera Globale Sekretariati i Unionit për Mesdheun (UfM) dhe pati si panelistë Znj. Roberta Talarico, President në AL-Green;
Youssef Aroog, Bashkëthemelues dhe President i Fondacionit Rinor Mesdhetar (MYF); Ognjen Markoviq, Udhëheqës Ekipi i Laboratori Rinor i Ballkanit Perëndimor pranë Këshilli i Bashkëpunimit Rajonal dhe Z. Mokhles Mechri, CEO Tourathna, Menaxher i Projektit Hackathon Tunizi.
Në të tre panelet e diskutimit u morën komente nga panelistët e ftuar dhe pjesëmarrësit, si dhe u adresuan disa çështje si punësimi i rinjve i cili po bazohet gjithmonë e më shumë në teknologji, nevoja për të pasur masa më efikase për të lehtësuar lëvizshmërinë brenda rajonit të Mesdheut si çelsi për një integrim të ngushtë ekonomik, ikja e trurit “brain drain” që përbën vërtet një sfidë për zhvillimin ekonomik në rajon, zhvillimi i një mjedisi më të favorshëm për start-up të cilët kanë një sfidë të trefishtë në financim, rrjetëzim dhe mënyrën e zhvillimit.
Ndër historitë dhe shembujt pozitivë të përmendura ishin Programi i Garancisë Rinore, Akademia Rinore Mesdhetare e zhvilluar nga Fondacioni Rinor Mesdhetar, Programet e Zhvillimi Personal dhe Profesional të implementuara nga Rrjeti i Profesionistëve të Rinj, Programet Eramus+ që kanë treguar impakt pozitiv tek të rinjtë pjesëmarrës, Projekti Safir që mbështet arritjen e SDG dhe përfshirjes socio-ekonomike për të rinjtë e 9 vendeve të Afrikën Veriore dhe Lindjes së Mesme, programet e implementuara nga StartLAB.BRUSSEL që mbështesin zhvillimin e biznesve të vogla duke i ofruar mentorim, financim dhe rrjetëzim si dhe iniciativa nga Shoqata Europiane-Mesdhetare-Arabe që ka një program të dedikuar mbështetjes të pjesëmarrjes sociale-ekonomike të grave në rajonin MENA.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
