Ulen ritmet. Rritja ekonomike 3.55% në tremujorin e tretë

Ulen ritmet. Rritja ekonomike 3.55% në tremujorin e tretë


 

Nga të dhënat paraprake, rritja ekonomike për nëntëmujorin është gati 3.9%.

Sipas INSTAT-it, kontributin kryesor në rritje në tremujorin e tretë, e ka dhënë grupi i shërbimeve “tregti, hotele, restorante dhe transporti” me 0.9 pikë përqindje, “Administrata publike, arsimi dhe shëndetësia” gati 0.9 pikë përqindje, “ndërtimi” me 0.7.

Në gjysmën e parë të vitit, ndërtimi kryesoi zhvillimet ekonomike në vend, duke siguruar gati 50% të nivelit të rritjes së shënuar në ekonomi. Në tremujorin e dytë, ndërtimi siguroi 1.84 pikë përqindje të rritjes, nga 4.02% që ishte rritja në total.

Efekt negativ në ekonomi dha gjatë tremujorit të tretë ulja e theksuar e prodhimit të energjisë elektrike, ndërsa edhe industria nxjerrëse duket se ka ulur shpejtësinë.  Grupi i sektorëve industri nxjerrëse, përpunuese, energji dhe ujë, dhanë ndikim -0.12 pikë përqindje në ekonomi.

Krahasuar me një vit më parë, në tremujorin e tretë, “bujqësia, pyjet dhe peshkimi” u rrit 0.52%, ndërsa aktiviteti i industrisë, energjisë dhe ujit ra në total 1.1%.

lexo: https://businessmag.al/sejko-rritja-ekonomike-po-forcohet/

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0