Metaverse, po t’i referohemi lirshëm një sërë platformash të botës virtuale, është bërë pjesë e gjuhës popullore të botës së biznesit. Kompanitë, duke përfshirë Samsung, Miller Lite dhe J.P. Morgan kanë krijuar hapësirat e tyre në platformat metaverse, ndërsa McDonald’s dhe Nike bëjnë plane ta përfshijnë atë në bizneset e tyre.
Në serinë e videove të Fortune N3w Lands: An Exploration of the Metaverse, ekspertë nga shumë fusha të metaverse flasin për potencialin e sektorit në zhvillim.
Për sa u përket të ardhurave të mundshme, analistët nuk bien dakord për një numër konkret, por thuhet se është në triliona dollarë. J.P. Morgan shkroi në një raport muajin e kaluar se, metaverse përfaqëson një mundësi të ardhurash vjetore prej 1 trilion dollarësh vitet e ardhshme, pasi individët blejnë dhe shesin tokë virtuale gjithnjë e më të vlefshme, artikuj për avatarët e tyre virtualë ose produkte fizike nga dyqanet virtuale. Por, Goldman Sachs dhe Morgan Stanley mendojnë se të ardhurat e mundshme nga sektori në zhvillim mund të jenë edhe më të larta. Goldman tha në janar se metaverse mund të shkojë në 8 trilionë dollarë. Morgan Stanley vazhdoi në shkurt duke thënë se metaverse mund të kushtojë 8 trilionë dollarë vetëm në Kinë.
Facebook tërhoqi vëmendjen e shtuar ndaj metaverse në tetor, kur ndryshoi emrin në Meta dhe premtoi të ripërqëndrohej në metaverse si biznes. Që atëherë, CEO i Meta Mark Zuckerberg premtoi 10 miliardë dollarë në shpenzime për të zhvilluar krahun e saj metaverse, Reality Labs. Ai gjithashtu krijoi një platformë metaverse, Horizon Worlds, e aksesueshme përmes kufjeve Oculus Quest 2 të realitetit virtual të kompanisë.
Ekzistojnë dy kampe kryesore kur bëhet fjalë për atë se çfarë duhet të jetë metaverse. Është ende e paqartë se cila, nëse ka, do të mbizotërojë ose nëse të dyja do të mbizotërojnë.
Një kamp, anëtarët e të cilit përfshijnë Meta, së bashku me Roblox, Minecraft dhe Fortnite, është fokusuar në krijimin e një metaverse të centralizuar, ku të gjitha aspektet e botës virtuale kontrollohen nga një kompani.
Kampi tjetër, duke përfshirë platforma si Sandbox, Decentraland, Somnium Space dhe Cryptovoxels, po ndjek një metaverse të decentralizuar.
Ata po krijojnë botë virtuale që përfshijnë NFT dhe kriptomonedha si blloqe ndërtimi. NFT-të u referohen artikujve digjitalë, pronësia e të cilëve është regjistruar në një libër transparent, të quajtur blockchain. Këto NFT mund të jenë imazhe, skedar audio ose, në platformat metaverse, artikuj si toka digjitale ose veshjet e avatarit.
Shkurtimisht, këto lloj platformash kanë një model pronësie “më të shpërndarë, ndoshta më të demokratizuar”, tha për Fortune Kirk Finkel, një artist dhe arkitekt rezident në Muzeun e Artit Kripto (MOCA).
Disa nga platformat si Sandbox dhe Decentraland kanë kriptovalutat e tyre që lojtarët mund t’i përdorin për të blerë gjëra brenda botëve virtuale. Ashtu si në botën reale, tregjet dhe komunitetet tashmë po zhvillohen brenda tyre, të inkurajuar dhe lehtësuar nga krijuesit e secilës platformë.
“Objektivi ynë është të rikrijojmë shumicën e aktiviteteve dhe përvojave nga bota reale,” tha Sébastien Borget, shefi i operacioneve të botës metaverse Sandbox.
Mbetet ende për t’u parë nëse metaverse do të jetë në përputhje me vëmendjen e madhe që përdoruesit dhe bizneset i kanë kushtuar. Edhe pse metaverse është ende në fazat e hershme, ai nuk ka mungesë besimtarësh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
