Udhëtarë të së ardhmes


Shkruar nga Landa Grembi, Inxhiniere IT

Do të udhëtojmë apo zhvendosemi nëpërmjet mjeteve lëvizëse nga ajri, do të ndërtojmë shtëpi “në ajër”, shtëpitë tona do të na monitorojnë zakonet e të ngrënit dhe format e mënyrat se si do të riciklojmë. Duket larg?! Aspak! Mirëserdhët në të ardhmen e afërt!

Imagjinoni një botë, ku bakteriet hanë mbeturinat tona, ku shtëpitë mund të zgjerohen në bazë të njerëzve, të cilët jetojnë në to, ku mund të lëvizim nëpërmjet droneve ku dhe varrezat do të ndodhen vetëm në librat e historisë. Nëse do t’i merrnim me rradhë pritshmëritë e të ardhmes pa dyshim që transporti është ai që zë një vend të veçantë përsa i përket imagjinatës. Transporti me Drone.

Shpesh, krijohet ideja sikur përpjekjet e pafundme për të udhëtuar me makina elektrike, ndeshin problematika të paparashikuara si ato që kanë të bëjnë me autonominë e makinave, eko-sistemin ende të pa përfunduar duke filluar nga vendndodhja e karikuesve në zona të caktuara, etj. Nga ana tjetër hapësirat për vendparkime të makinave po zvogëlohen gjithmonë e më shumë në të gjitha qytetet e mëdha me qëllim përdorimit sa më pak të makinave. Por, a është mjaftueshëm? Duhet ta pranojmë që është një hap drejt uljes së gazrave të dëmshme në ambjent. Por, nëse do ta konsideronim “lëvizshmërinë” si shërbim jemi hapa larg krahasuar me shërbimet e tjera që sot marrim si komunikimi telefonik, shërbimet postare, shëndetësore, etj.

Zgjidhja duket sikur nuk është shumë larg, taksitë fluturuese, helikopterët e vegjël, volocopters dhe dronet mund të konsiderohen pa më të voglin dyshim si mënyra më efikase për të kontribuar në kaosin e lëvizshmërisë aktuale. Merrni pak kohë dhe imagjinoni se udhëtimin e rradhës për të shkuar buzë detit do ta kryeni me drone, apo kur të vonoheni për në punë, taksi drone do t’ju vijë në ndihmë.

Ushqimet dhe pijet

Me rritjen e numrit të njerëzve, të cilët kanë zgjedhur të jenë vegjetarianë, shumë prej tyre duhet të inkurajohen që të rrisin vetë perimet e tyre. Mos mendoni se nuk është e mundur, tarracat e ndërtesave, ballkonet madje parashikimet shkojnë akoma më larg: në parkimet nëntokësore duke përdorur dritën artificiale. Aftësia e fëmijëve për t’ju bindur t’u blini ëmbëlsira apo ushqime jo të shëndetshme do të transformohet në bindjen se trupi i tyre nuk ka nevojë të “bombardohet” nga sheqernat – ëndërr apo jo?! Fëmijët, të aftë për të mësuar shpejt do të kenë informacion shumë më herët se brezat tanë (diskutim tjetër krahasimi!). Një rol në ushqyerjen e shëndetshmë për ju dhe familjen tuaj do të zërë dhe frigoriferi i mençur, i cili mos t’ju duket aspak çudi që një ditë t’ju thojë se vera e bardhë është më e shëndetshme, ndaj mos guxoni që të pini nga shishja tjetër.

Lexo: Qytet Inteligjent?! Si?

Blerja e ushqimeve, të cilat nuk janë rritur në ndërtesën tuaj do të kontrollohet nëpërmjet inteligjencës artificiale të shtëpisë suaj, për të bërë të mundur kështu sigurinë maksimale për atë që do të konsumoni. Nga ana tjetër po i njëjti sistem do të bëjë të mundur eleminimin e bakterieve nga mbeturinat dhe përdorimin e këtyre të fundit për të zgjidhur probleme të tjera në shtëpi.  Gjithë kjo falë përpunimit të të dhënave tona. E ashtuquajtuara shkenca e Big Data, regjistron çdo gjë që ne bëjmë dhe çfarë konsumojmë. Përfituesit kryesor do të jenë pa dyshim industritë e përpunimit të mbeturinave dhe ato energjitike. Një shembull konkret vjen nga Singapori. Në një projekt, 80% e ndërtesave do të ofrohet nga shteti, problemi që u has ishte se si do të menaxhoheshin këto ndërtesa. Por, të dhënat e marra nga sjellja e banorëve bënë të mundur parashikimin se kur ashensorët mund të prishen, duke i riparuar në kohë dhe ulur kështu probabilitetin për incidente të ndryshme.

Shtëpia që mendon për ty

Po, e vërtetë, madje është duke ndodhur aktualisht. Shumë prej nesh aktualisht përdorin teknogjinë në shtëpitë  tyre, Siri, Aleksa, të cilët shumë shpejt do të kujdesen për dritat e shtëpisë suaj, të komandojnë ngrohjen apo cilësinë e ajrit në shtëpitë tona. Sensorët do të hapin e mbyllin dyert për neve, por jo vetëm. Të tjera aplikime, për të cilat duhen shumë rreshtat t’i përmendim janë duke u testuar e shumë shpejt do të jenë pjesë e përditshmërisë sonë. Neve nuk na mbetet gjë tjetër përveç se të presim çfarë e ardhmja na ka rezervuar…

Fundja çfarë na ndodhi kur telefonat inteligjentë u shfaqën në jetën tone, kur Google u bë lajmëtari, mësuesi, doktori, “thashethemexhiu” ynë, kur hartat nuk ishin më prej “letre”: u përshtatëm e sot nuk ndahemi dot më sepse thjeshtësisht nuk bëjmë dot më ndryshe. Por, a është ky vetëm një fillim? Natyrshëm gjithsecili mendon që jo! Të tjera copëza nga ardhmëria do të përshkruajmë në ditët/javët në vazhdim. Ku i dihet, mbase shkrimi i rradhës do të jetë për taksitë fluturuese apo si ato përdoren për të shpëtuar jetë njerëzore apo ruajtur pyjet….

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale