Barbara Corcoran, biznesmene amerikane e cila prej 14 vitesh është e njohur edhe prej serialit televiziv “Shark Tank”, përjetoi makthin më të keq kur sapo gjeti punën e saj të ëndrrave iu anullua oferta.
Përpara se të transmetohej sezoni i parë i “Shark Tank” në vitin 2009, sekretarja e një producenti kontaktoi me Corcoran dhe i kërkoi të bëhej pjesë e shfaqjes. Ajo e nënshkroi kontratën menjëherë, por një javë përpara se të fillonte spektaktli, Corcoran mori një telefonatë ku i thanë se producentët kishin vendosur ta zëvendësonin me një tjetër.
Por Corcoran nuk e pranoi refuzimin.
“Isha në siklet. U thashë të gjithë miqve të mi, ‘unë do të shkoj në Hollywood’,” – tha Corcoran, – kështu që u ula dhe u shkrova një email ku u thashë: “Keni bërë një gabim”.
Ajo shtoi se email-i ishte i shkurtër dhe kërkonte që producentët të ftojnë të dy konkurrentet në një përballje për vendin e punës.
Lexo:5 hapa për të shkruar një biografi profesionale
Producentët jo vetëm që e pranuan kërkesën e saj, por i rikthyen edhe vendin e punës. Tashmë prej 14 sezonesh ajo është investitore në “Shark Tank”.
Shark Tank është një serial televiziv amerikan i cili shfaq sipërmarrësit para një paneli prej pesë investitorësh të quajtur peshkaqenë, të cilët vendosin nëse do të investojnë në kompanitë e tyre.
Seriali ka qenë një sukses në kohën e tij, duke fituar çmimin Primetime Emmy katër herë. Ai fitoi gjithashtu edhe çmimin për Programin e Realitetit të Jashtëzakonshëm. Tiranapost
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
