Tym i bardhë është ngritur nga oxhaku i Kapelës Sistine, duke konfirmuar se Kisha Katolike ka një Papë të ri. Ky moment historik tregon se njëri prej kardinalëve ka siguruar të paktën 89 vota nga gjithsej 133 pjesëmarrës në konklavë, duke u zgjedhur si pasardhës i Papa Françeskut.
Turmat në Sheshin e Shën Pjetrit shpërthyen në duartrokitje dhe brohoritje, ndërsa tani pritet shpallja zyrtare. Sipas traditës, një kardinal i lartë do të dalë nga ballkoni i Bazilikës së Shën Pjetrit për të shqiptuar fjalët e famshme në latinisht: “Habemus Papam!” – “Kemi një papë!”. Më pas do të bëhet e ditur emri i lindjes dhe emri që Papa i ri ka zgjedhur për papatin.
Paraqitja e tij e parë publike do të vijë nga po ai ballkon, ku do të japë edhe bekimin e tij të parë apostolik. Ende nuk është përcaktuar ora e daljes, por kujtojmë se Papa Françesku, pas zgjedhjes së tij në vitin 2013, u shfaq rreth një orë e 20 minuta pasi u pa tymi i bardhë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
