Twitter emëron hakerin e famshëm si shef të sigurisë - Business Magazine Albania

Twitter emëron hakerin e famshëm si shef të sigurisë

Rrjeti social Twitter, i ekspozuar ndaj kërcënimeve serioze të sigurisë, ka punësuar një nga hakerët më të famshëm në botë për të zgjidhur problemet, nga gabimet inxhinierike deri në përhapjen e dezinformatave. Kompania emëroi Peiter Zatko-n, i njohur me pseudonimin Mudge, në pozicionin e shefit të sigurisë dhe i dha kompetenca të gjera për të rekomanduar ndryshime në strukturë dhe praktikë. Zatko do të raportojë te drejtori ekzekutiv i Twitter Jack Dorsey dhe pritet të marrë drejtimin pas një analize që do të zgjasë deri në 60 ditë. Zatko njoftoi se ai do të shqyrtojë “sigurinë e informacionit, integritetin e faqes në rrjet, sigurinë fizike, integritetin e platformës dhe pjesën inxhinierike”.

Karriera ‘’misterioze’’  e Zatko filloi në vitet 1990 kur drejtoi një mision konfidencial për një kompani që kishte kontratë me qeverinë dhe ishte udhëheqësi i Kultit të Lopës së Vdekur, një grup hakerësh të famshëm për hakimin e Windows për të bërë që Microsoft të përmirësonte sigurinë. Gjatë karrierës, Zatko punoi në projekte speciale të Google dhe mbikëqyri shpërndarjen e projekteve të sigurisë kibernetike në Agjencinë e Avancuar të Projekteve dhe Projekteve të Pentagonit (DARPA). “Nuk e di nëse dikush mund të rregullojë sigurinë e Twitter, por ai do të ishte në krye të listës time”, tha Dan Kaufman, i cili ishte mbikëqyrësi i Zatko në DARPA dhe tani kryeson divizionin e produkteve të Google.

Twitter përballet me një numër sfidash të sigurisë. Një vit më parë, qeveria amerikane akuzoi dy shkencëtarë informatikë për spiunim për Arabinë Saudite ndërsa punonin për Twitter, duke dërguar informacione private në lidhje me kundërshtarët e regjimit.

LEXO: Kongresi dëshiron të ndryshojë Facebook, Twitter dhe YouTube në mënyrën e funksionimit të tyre

Në korrik, një grup hakerësh të rinj mashtruan punonjësit e kompanisë, duke patur akses në sistemin e brendshëm, duke ndryshuar të dhënat e kandidatit të atëhershëm për president Joe Biden, themeluesit të Microsoft Bill Gates dhe pronarit të Tesla, Elon Musk. Zatko gjithashtu deklaroi se dëshiron të përmirësojë komunikimin publik në Twitter. Ai vlerësoi lëvizjet e fundit të kompanisë për t’i bërë përdoruesit të komentojnë në vend të thjesht “retweet”. Hapi tjetër do të ishte që njerëzit të kuptojnë bisedën përpara se të përfshihen në të, tha ai.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0