Të ardhurat nga turizimi vitin e kaluar ishin 4.2 miliardë euro. Shifrën e deklaroi Mirela Kumbaro në mbledhjen e Komisionit për Europën të Organizatës Botërore të Turizmit, duke theksuar si factor ndikues lehtësitë fiskale.
Kumbaro tha se, “për të gjitha hotelet, nga ato më të voglat, nga bujtinat e agroturizmet e deri tek strukturat më elitare, është ulur TVSH-në në 6% nga 20% që është për bizneset e tjera”.
Sipas saj, turizmi është tashmë një industry që solli 4.2 miliardë euro të ardhura në 2023, nga 2,8 miliardë që siguroi në vitin 2022.
Sipas drejtueses së Organizatës Botërore të Turizmit, Natalia Bayona, arsyet kryesore se pse ky vend është tërheqës lidhen me, “klimën liberale, ke mundësi 100% të drejtë pronësie, ndihmon ligji i posaçëm për turizmin, apo ligji për investimet strategjike. Sektorët ku investohet janë nga aeroportet, portet, marinat apo infrastrukturë. Kemi një politikë novatore kur flasim për investimet e gjelbra. Përmes ligjit të investimeve strategjike, janë mbështetur investimet në këtë sektor, prandaj keni pasur edhe 10 milionë turistë. Kemi një ligj të posaçëm për inovacionin, ka më shumë se 154 start up, dhe vendi ka edhe më shumë hapësirë, për të përfituar teknologji të reja për këtë sektor për ta bërë vendin inovativ.
Shqipëria po ofron diçka thelbësore, dhe nuk ka të bëjë vetëm me investim për hir të investimit. Objektet turistike janë rritur me 23% në vitin 2022, janë rritur me 8600 dhoma turistike, kemi zona të mbrojtura, keni gastronomi të shkëlqyer, jemi frymëzuar. Është vendi që po rritet me 53% në turizëm, më shumë se gjithë Europa. Shqipëria është një destinacioni tërheqës për investimet në turizëm”.
Sekretari i Përgjithshëm i OBT Zurab Pololikashvili, deklaroi se, në Shqipëri do të ngrihet qendra e edukimit të studentëve të mikpritjes me fokus edukimin turistik.
“Mund të kemi miliona turistë, por kush do t’i shërbejë atyre? Këtu kthehemi tek kapitali njerëzor. Çdo 10-20 dollarë e investuar në edukim, të kthehet shumë fish më pas. Kemi rënë dakord me kryeministrin dje që do krijojmë një qendër edukimi në Shqipëri që do t’i shërbejë rajonit. Shkollat i kemi në Europë, por kjo nuk është e përballueshme për të gjithë. Ne kemi bërë që në partnetritet me emra të mëdhenj kemi përgatitur akademinë tonë. Kemi prani në shumë vende, dhe duam që të jemi edhe në Tiranë, që t’iu ofrojmë studentëve të mikpritjes të mësojmë. Duhet të mësojmë studentët në mikpritje, pasi edukimi është shumë i rëndësishëm në turizëm”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
