Turizmi rritje rekord në 2017. Mbi 5 milionë të huaj vizituan Shqipërinë

Turizmi rritje rekord në 2017. Mbi 5 milionë të huaj vizituan Shqipërinë


Me një rritje mbi 8% të fluksit të të huajve, vizitorët në Shqipëri vitin e kaluar shënuan numrin më të madh të parë ndonjëherë të vizitorëve e turistëve prej 5.1 milionë persona. Sipas institutit të Statistikave rreth gjysma e tyre kanë ardhur për qëllime turizmi. Fluski i shtuar ishte paralajmëruar në publikimet mujore të INSTAT për lëvizjet e shtetasve.

Viti i kaluar shënoi edhe një rekord artikujsh, në mediat ndërkombëtare, të cilat e prezantuan Shqipërinë mes destinacioneve më të mira turistike. Kjo sipas operatorëve turistikë në vend, pati efektin kryesor në rritje, ndërsa pohojnë se tashmë po krijohet linjë e qëndrueshme udhëtimesh drejt Shqipërisë nga Europa Lindore e Veriore.

Në vlerësimet sipas destinacioneve, vijon të kryesojë Kosova, ndonëse me një ulje të theksuar krahasuar me një vit më parë. 34% e të huajve që kanë hyrë në vend, rezultojnë nga Kosova sipas shifrave zyrtare. Me rreth 1.7 milionë, numri i personave me pasaportë kosovare që erdhën në Shqipëri për pushime e biznes ra me rreth 20% krahasuar me një vit më parë.

Vendi vijon të vizitohet në masë të madhe nga fqinjët. Hyrjet nga Maqedonia vijnë pas Kosovës, me rritje mbi 18%.

Të dhënat e siguruara në kufi nga INSTAT tregojnë se vitin e kaluar në vendin tonë pushuan më shumë gjermanë, grekë, italianë, çek, anglez, e polakë.
Edhe këtë vit, fluksi i turistëve pritet të rritet, nisur nga pritshmëritë e operatorëve turistikë, por edhe mbështetja e publikimeve në rang ndërkombëtar të theksuar edhe këtë muaj.

Së fundi, ish menaxheri i përgjithshëm i Hotel Sheraton Tirana, ka theksuar se Shqipëria ka shumë potencial për të zhvilluar turizëm e e shërbime hotelerie. Në një intervistë për BusinessMag, ai ka theksuar se sipërmarrësit e turizmit duhet të prezantojnë ofertën e tyre kryesisht në vende të ftohta. Kjo sipas tij, është mënyrë e mirë për të dalë nga shfrytëzimi vetëm për një sezon të turizmit detar.

Lexoni: https://businessmag.al/ish-menaxheri-i-sheraton-tirana-vendosni-si-do-ta-zhvilloni-turizmin-terhiqni-markat-nderkombetare/

Edhe pse Sheraton Tirana është mbyllur prej 1 janarit 2018, ish menaxheri i përgjithshëm i tij Jose Pinto, ka vendosur të jetojë e punojë në Shqipëri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0