Në një intervistë për Business Magazine Albania, ai thekson se turizmi në vend ka nevojë të tërheqë investime nga jashtë, ka nevojë për kreativitet e inovacion. ‘’Njerëzit që investojnë këtu, duhet t’i bëjnë hotelet më të mira se ç’janë dhe qytetet më të bukura se ç’janë. Sillni markat më të mëdha të kësaj bote. Nëse i sillni ato, shumë gjëra do të zgjidhen’’, tha Pinto.
Për shkak të kontratës së nënshkruar me Sheraton, Pinto nuk flet për arësyet e largimit të Sheraton Tirana gjatë intervistës ashtu si edhe në bisedën e zhvilluar si i ftuar në Startup Grind.
Por, i pyetur për faktin se Shqipëria edhe markën ndërkombëtarë që kishte nuk e mbajti, ai thekson se investimet e mëdha duhet të mbështeten. ‘‘Çështja është se duhet të mbështetet. Ajo çfarë ka nevojë Shqipëria është ajo çfarë kanë bërë Meksika, Brazili vite më parë. Ato kanë bërë së bashku ministrinë e Turimit, Ekonomisë, Kulturës, etj. Ato duhet të bëhen së bashku me investitorët, hotelierët, agjensitë e udhëtimit. Duhet të bëhen grup në përpjekje për të zgjidhur problemet. Sepse, për sa kohë punojmë të ndarë, nuk do të zgjidhim problemet’’.
Çdo investitor sipas tij, ka nevojë të kuptojë nëse mund të investojë apo jo. Këtë përgjigjë sipërmarrësi e merr nëse të gjitha grupet e interest kanë konsoliduar së bashku idetë. ‘Për mua prioritet do të ishin aeroportet, shtimi i fluturimeve, por për një sipërmarrës prioriteti mund të jetë një tjetër, ndaj duhen tavolina të rrumbullakëta, takime, diskutime’’.
I pyetur në Startup Grind, ish menaxheri i përgjithshëm i Hotel Sheraton thekson se kërkimi i klientëve është një sfidë me të cilën duhet të përballen hotelierët vendas. ‘’Nuk kam arritur asnjëherë të kuptoj, pse hotelet në Durrës kanë vetëm 5-6 dhoma të zëna. Përgjigjia është sezoni’’. Por, nuk është kjo, sipas tij. Duke sjellë shembuj të vendeve të ndryshme Jose Pinto, thekson se operatorët privatë, të hotelerisë dhe udhëtimeve duket të planifikojnë paraprakisht, të kërkojnë klientë jashtë në vende të ftohta kryesisht, e të angazhojnë chartera.
Sheraton ikën, por jo menaxheri i saj
Nëse Shqipëria duket një vend i vështirë për të mbajtur sipërmarrje me emër si Sheraton, jo gjithçka shihet ‘zi’ nga kjo industri e përfaqësues të saj. Grupi ku bën pjesë Sheraton, pra Marriott po shfaq interes për rajonin, përfshirë Shqipërinë e Kosovën, ndërsa një vit më parë ka hapur hotelin e tij në Shkup.
Lexoni: https://businessmag.al/marriott-ne-vend-te-sheraton/
Ndërkohë, menaxheri me 45 vite përvojë në Sheraton, para audiencës së Startup Grind, bën të ditur se, ‘’kam vendosur të qëndroj, jetoj e vdes këtu, në Shqipëri’’. E thënë nga një menaxher hoteli, i cili ka udhëtuar e punuar në pesë kontinente, fakti ka rëndësi për sektorin e turizim, jo vetëm se marrin një notë të mirë premisat për turizmin e vendit, por me gjasa Pinto do të jetë konsulent në fushën e hotelerisë/Albana Muçaj, Businessmag.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
