Turizmi nuk po arrin të kapë nivelet para pandemisë - Business Magazine Albania

Turizmi nuk po arrin të kapë nivelet para pandemisë

Turizmi ende nuk po arrin të kapë nivelet e para pandemisë. 671 mijë shtetas të huaj hyjnë në vend gjatë tre muajve të parë të vitit, duke mos arritur të tejkalojnë vitin normal të 2019-ës.

Nga vendet që kanë hyrjet më të larta të shtetasve në Shqipëri, Greqia ka pasur rritjen më të madhe me 5 herë, ndërsa Kosova ka pasur rënien më të ndjeshme me 9,5%, krahasuar me të njëjtën periudhë të vitit 2021, sipas shifrave të INSTAT.

Rënia e numrit të vizitorëve kosovarë lidhet edhe me rregullat e forta anti-COVID të vendosura në kufi ku duhej të ishe i vaksinuar me tre doza për të hyrë në territorin e Kosovës.

Shtete të tjera me numër të lartë vizitorësh në vendin tonë janë edhe Italia dhe Mali i zi.

Lexo edhe: Shoqata e Turizmit kërkon heqjen e masave kufizuese

Ndërkohë, sa i përket daljeve gati 1 milionë shqiptarë kanë udhëtuar jashtë vendit në tre muajt e parë, me rritje të fortë nga viti i kaluar, por pa arritur nivelet e vitit normal 2019.

Shumica e transportit është kryer nëpërmjet tokës dhe ajrit, ndërsa sektorit i aviacionit, me shifrat që paraqet është në ditët e veta më të mira duke shënuar një rekord, për numrin e shtetasve që kanë zgjedhur këtë mjet transporti.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0