Dihet se Donald Trump është shumë i dhënë pas mediave sociale. Që nga dita kur ai mori postin e kryeministrit e deri më sot, ka shkruar plot 11 mijë postime në “Twitter”.
Fluksi i postimeve në Twitter jo vetëm që nuk ndalet as të dielave apo për festa, por gjithnjë vazhdon të rritet.
“Ai ka nevojë për të shkruar në Twitter po aq sa ne kemi nevojë të ushqehemi – tha Kellyanne Conway, këshilltarja e tij në Shtëpinë e Bardhë.
Lexoni:
Sipas New York Times, Trump shfryn në llogarinë e tij gjithë paparashikueshmërinë dhe pasojat e humorit të tij, madje përpara pozicioneve politike.
Aq sa bashkëpunëtorët e tij më të ngushtë, kishin kontaktuar rrjetin social Twitter për të kuptuar nëse mund të mbaheshin postimet presidenciale në pritje për 15 minuta, kohë në të cilën do të kontrollohej që të mos kishte ndonjë problem të pakorrigjueshëm. Por, në fund, edhe ata hoqën dorë nga ky këndvështrim, Trump është thjeshtë i pakontrollueshëm.
Lideri i Shtëpisë së Bardhë kalon kohën më të madhe në rrjetet sociale thuajse gjithnjë në mëngjes; nga ora 6 deri në 10. Në ato orë, ai është i vetëm dhe pa këshilltarët e tij. Ai qëndron para televizionit, shpesh duke shikuar lajmet e Fox News. Shikon, mban shënim komentet, karikohet. Më pas, shfryhet.
Gjysma e 11 mijë postimeve të tij në Twitter, kanë qenë sulme shumë të ashpra ndaj politikanëve demokratë, agjensive të lajmeve dhe hetimeve të Rusisë.
Lexoni:
Drejtori ekzekutiv i Twitter tallet me logon e re të Facebook-ut
