“Presidenti Donald Trump bëri një mbledhje të liderëve botërorë në Samitin e G7 përmes një telekonference video dhe anuloi planet për të mbajtur takimin e qershorit në Camp David, për shkak të pandemisë së koronavirusit”, tha të enjten sekretari i shtypit i Shtëpisë së Bardhë, Judd Deere.
“Në mënyrë që secili vend t’i përqendrojë të gjitha burimet e tij në përgjigjen ndaj sfidave shëndetësore dhe ekonomike të COVID-19, Drejtori i Këshillit Ekonomik Kombëtar dhe SHERPA-s amerikane për G7 2020, Larry Kudlow, ka njoftuar kolegët e tij të Sherpa-s se Samiti i Liderëve të G7 që ishte vendosur të pritej në qershor në Camp David, tani do të zhvillohet me anë të telekonferencës”, tha Deere në një deklaratë.
“Shtëpia e Bardhë gjithashtu njoftoi anëtarët e tjerë të G7 se për të vazhduar koordinimin e ngushtë, Presidenti do të komunikojë me liderët përmes telekonferencës në prill dhe maj, ashtu si bëri këtë javë.“Trump u takua me drejtuesit e tjerë të G7 përmes videokonferencës të hënën, kjo është hera e parë që grupi është takuar në këtë mënyrë”, tha një zyrtar i administratës për CNN.
Vendimi u mor në përputhje me masat për të lehtësuar përhapjen e koronavirusit, tha zyrtari. “Vendimi për mbajtjen e takimit përmes videokonferencës do të mundësojë që çdo vend të kursejë paratë që do të shpenzonte për t’u përgatitur për samitin dhe udhëtimin për në G7 dhe do të lejojë stafin e planifikuar të qëndrojë në shtëpi”, tha zyrtari, duke përmendur rrethanat e pashembullta që ka sjellë pandemia.
“Gjatë videokonferencës së të hënës, udhëheqësit e G7 ranë dakord të koordinojnë përgjigjen e tyre ndaj pandemisë – duke marrë parasysh se midis Evropës dhe SH.B.A.-së ka kufizime në udhëtim. “Duke vepruar së bashku, ne do të punojmë për të zgjidhur rreziqet shëndetësore dhe ekonomike të shkaktuara nga pandemia COVID-19 dhe të kalojmë në fzën e rikuperimit të fortë të rritjes dhe prosperitetit të fortë, të qëndrueshëm ekonomik”, shkruajti grupi në një deklaratë të përbashkët, pas komunikimit të tyre.
Trump dhe udhëheqësit e tjerë ranë dakord të bëjnë “gjithçka që duhet” për të luftuar koronavirusin nga një këndvështrim shëndetësor, si dhe efektet e tij ekonomike, tha këshilltari i lartë ekonomik Larry Kudlow.”Shkalla e bashkëpunimit, e koordinimit, ishte fantastike,” tha Kudlow.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English