Duket se ekziston mantra e Microsoft këto ditë. Pasi dështoi të përvetësonte operacionet amerikane të TikTok, gjigandi i softuerit u përfol së fundi se do të ishte në bisedime për marrjen në dorëzim me Pinterest dhe Discord, një shërbim online bisede. Në Prill ata njoftuan se do të blinin Nuance, një specialist i njohjes së fjalës, me gati 20 miliardë dollarë në para – blerja e dytë më e madhe ndonjëherë.
5 vite më parë, në blerjen e tij më të madhe, Microsoft pagoi $26 miliardë për LinkedIn. Në vitin 2018 ai mori GitHub, një platformë zhvillimi për programe me burim të hapur, për $7.5 miliardë. “A e ka jetën monoton Satya Nadella?” Pas një observimi, vëzhguesit murmurisnin se shefi i kompanisë mund të ishte nën çmendurinë e blerjeve.
Kompanitë e mëdha flasin rregullisht me njëri-tjetrin në lidhje me potencialet e mundshme. Për Microsoft, është e mundshme të kenë edhe ndonjë plan për targetët potencialë. Microsoft ende investon shumë më tepër në zgjerimin e bizneseve të saj ekzistuese sesa në blerjen e bizneseve të reja. Duke përjashtuar marrëveshjen Nuance, kompania ka shpenzuar vetëm $33 miliardë në blerje të mëdha në katër vitet e fundit, krahasuar me $64 miliardë për zhvillim. Ajo ka një mori të parave të gatshme në bankë ($132 miliardë në fund të vitit të kaluar), ndërsa çmimi i aksionit të saj është rritur me më shumë se 600% që kur z. Nadella mori drejtimin në 2014.
Microsoft bleu po ashtu Nokia dhe Skype, dhe ajo ka mësuar se si të integrojë objektivat me sukses. Ky është një trend jo i ri, po që kur erdhi në krye z. Nadella. Thënë më thjesht, Microsoft është bërë një re gjigandi informatik që mund të tretë çdo të dhënë dhe të ofrojë çdo shërbim. Kështu që një blerje mund ta zmadhojë biznesin në më shumë mënyra dhe “të ushqejë bishën”.
Blerjet gjithashtu ndihmojnë Microsoft që të vazhdojë të rritet me shpejtësi duke e lejuar atë të ecë me trendet e mëdha të industrisë. Ngjashëm me LinkedIn, Pinterest do t’i jepte Microsoft akses në të dhëna në lidhje me interesat e njerëzve, të cilat mundësojnë forma të reja të tregtisë elektronike.
Marrëveshja Nuance përmbledh të gjitha këto konsiderata. Kompania është e njohur më së shumti për softuerin e saj për njohjen e të folurit dhe një platformë të kujdesit shëndetësor të përdorur në 77% të spitaleve amerikane. Kjo teknologji, së bashku me shumë të dhëna të vlefshme shëndetësore, do të forcojnë “renë shëndetësore” të Microsoft. Megjithëse $20 miliardë duket shtrenjtë për një kompani me një fitim neto prej $29 milion vitin e kaluar nga të ardhurat prej $1.5 miliardë, Microsoft mund ta përballojë atë. Discord dhe Pinterest duket se janë jashtë tryezës tani për tani, por mos u befasoni nëse “bisha do të ushqehet” edhe me to.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English