Një nga gjërat e para që u thuhet të sapodiplomuarve ndërsa shkojnë në tregun e punës është se ata duhet të rishikojnë dhe pastrojnë gjurmët e tyre digjitale.
Në vitin 2019, një vajzë u refuzua nga një praktikë marketingu për shkak se kompania gjeti foto me bikini në llogarinë e saj në Instagram. Ndërsa ka padyshim shqetësime për privatësinë, veçanërisht për profesionistët që nuk janë rritur me mediat sociale, një gjurmë e fortë digjitale mund të jetë në fakt një mjet i rëndësishëm kur ju kërkoni punë. Ja pse duhet të ndaloni së menduari se interneti është një vend nga i cili dihet të fshihesh dhe të nisni ta përdorni atë në të mirën tuaj.
Ju jeni produkti – ndaj tregtoni veten
Në fund të fundit, marrëdhënia midis një kompanie dhe një punonjësi është transaksionale. Ata po ju punësojnë për shkak të asaj që ju mund të bëni për ta (përgjegjësitë e punës), dhe ju dëshironi që ata t’ju punësojnë për shkak të asaj që ata mund të bëjnë për ju (t’ju paguajnë). Mund të ketë disa motive të tjera por, ju e kuptoni thelbin.
Përdorimi i mjeteve të një biznesi
Tani që keni filluar të mendoni si një biznes, është koha të përdorni të njëjtat kanale dhe mjete digjitale si kompanitë për të marketuar veten. Konceptet si SEO dhe marketingu digjital nuk janë vetëm për bizneset – përdorni ato për t’u dalluar edhe ju vetë në tregun e punës. Nëse një rekrutues kërkon në Google emrin tuaj dhe sheh që jeni të interesuar në marketing ose zhvillim profesional, kjo është një përparësi në krahasim me një llogari private në mediat sociale. Postimi i përmbajtjes tërheqëse dhe përdorimi i fjalëve kyçe të duhura në përmbledhjen e profilet tuaja do t’i ndihmojë rekrutuesit t’ju gjejnë.
Lexo edhe : Është koha që kompanitë të investojnë në zhvillimin e brandit personal të punonjësve
Nuk mund t’i kënaqësh të gjithë
Nëse prania juaj digjitale nuk është asgjë më shumë ose më pak se një foto e kompanisë dhe një CV e thjeshtë , askujt nuk do t’i pëlqejë aq shumë ato që shohin sa ta marrin në konsideratë që t’ju punësojnë. Bizneset synojnë produktin e tyre në një segment të caktuar tregu. Ju duhet të bëni të njëjtën gjë. Nuk duhet t’i drejtoheni çdo punëdhënësi të mundshëm, vetëm atyre që vërtet përputhen me interesat tuaja.
Një paralajmërim i shpejtë
Edhe nëse gjurmët digjitale mund të jenë mjete të dobishme, ju duhet të jeni të ndërgjegjshëm për sigurinë tuaj kur postoni në internet. Kontrolloni cilësimet tuaja të privatësisë në mediat sociale në mënyrë që njerëzit të mos mund të shohin informacione shumë private si psh të dhënat personale tuaja. Nuk është gjithashtu një ide e mirë të filloni të shani ose të postoni ndonjë gjë fyese. Por ju e dinit tashmë, apo jo?
Koha për të vënë veten aty jashtë
Me shumicën e punëkërkuesve në treg të fokusuar në krijimin e një gjurmë të pastër digjitale dhe minimizimin e pranisë së tyre në internet, të vepruarit në mënyrë të kundërt mund të jetë një mënyrë fantastike për të filluar. Për sa kohë që ju mbroni sigurinë tuaj, qëndroni pozitivë dhe mendoni për përmbajtjen tuaj, duhet të jeni të gatshëm të vazhdoni.
Për më shumë lexoni në : Entrepreneur
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
