Trajnim rreth Marketingut Dixhital


Marketingu Dixhital është programi më i vlerësuar që CCIT ofron për sipërmarrjen. Nisur nga nevojat e komunitetit të biznesit, sugjerimet dhe kërkesat e pjesëmarrësve të këtij programi këtë herë ky trajnim trajton si fillim procesin e dixhitalizimit që është duke ndodhur ose duhet të ndodhë në çdo kompani. Trajnimi do t’i orientojë pjesëmarrësit se si të kuptojnë strategjitë e marketingut dhe strategjitë dixhitale, risitë dhe teknikat e reja, si të analizojnë rezulatetet e tij dhe si të dixhitalizojnë produktin apo shërbimin dhe si të arrijnë tek klienti.

QËLLIMI I PROGRAMIT TË TRAJNIMIT

  • Njohja me risitë e marketingut
  • Fazat e dixhitalizimit të kompanisë
  • Njohja me strategjitë që ndjekin kompani të ndryshme
  • Përqëndrimi në strategjitë që do të aplikoni

KUSH MUND TË PËRFITOJË

Në këtë kurs mund të marrin pjesë menaxherë, administratorë të kompanive, ose specialistë të marketingut, të cilët janë të interesuar për zhvillimin e aftësive strategjike në komunikim dhe teknika të reja të marketingut online.

REZULTATET E PRITSHME

  • Mirëkuptim i strategjive të marketingut
  • Dixhitalizimi i produktit
  • Ndërtim i një plani të mirëfilltë, i cili funksionon në bazë të segmentimit të saktë të produkteve
  • Strategjitë e penetrimit të tregut online
  • Funksionimi i rrjeteve sociale
  • Ndërtimi i kontentit për mediat online
  • Qasja me klientin

LEKTOR: Z. Dritan Pecini

Dritan Pecini është specialist në fushën dixhitale. Ai ka lindur në Tiranë, rritur në Athinë dhe ka kryer studimet në Melburn. Ai ka studiuar për Teknologji Informacioni dhe ka eksperienca të shumta në pozicione të ndryshme në industrinë dixhitale në Australi. Gjatë qëndrimit të tij në Melburn, Dritani ka zotëruar biznesin e tij dhe ka pasur bashkëpunime të suksesshme në fushën e Edukimit dhe Medias. Dritani ka punuar pranë DDB Albania dhe Montenegro ku ka drejtuar pjesën e strategjisë dixhitale për kompaninë dhe klientët e saj. Ndërkohë që tani ai drejton kompaninë e tij Pecini.al.

PROGRAMI: (ky trajnim do të ofrohet shqip, por duke qenë se terminologjia dixhitale është në anglisht si rrjedhojë përmbajtja e moduleve është në anglisht)

Për më shumë informacion rreth programit të trajnimit klikoni Këtu.

Data: 8-9 Tetor 2019, ora 09:30 – 13:30

PAGESA:

Tarifa e pjesëmarrjes në trajnim është 9000 lekë, ku përfshihen të gjitha materialet e punës dhe certifikata në fund të trajnimit. Për anetarësinë e DHTIT ky trajnim kushton 20% më pak nga vlera standarde.

Për t’u regjistruar plotësoni formularin e aplikimit nëpërmjet linkut: http://bit.ly/2VnHDWg

Afati i fundit i aplikimit është data 5 Tetor 2019.

Kontakt: Ornela Sulce
Tel: +355 (0) 45800334
E-mail: [email protected]

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale