Nuk ndalojnë aksionet e tatimeve tek kompanitë e mëdha. Ndërsa ende vijon aksioni kundër infomalitetit tek të gjitha llojet e sipërmarrjeve, ministri i Financave dhe Ekonomisë paralajmëron një tjetër aksion. Kontrollet fokusohen kësaj radhe në deklarimin e pagave. Në një takim të zhvilluar me sipërmarrjet e BusinessAlbania, ministri i Financave dhe Ekonomise Arben Ahmetaj, lajmëroi nisjen e kontrolleve për deklarimin e pages dhe punonjësve. Ahmetaj tha se, “Bilancet e bizneseve të mëdha do të jenë aksioni i radhës. Shumë biznese nuk i deklarojnë të gjithë punonjësit, ose deklarojnë ekonomistin apo inxhinierin me 270 mijë lekë të vjetra. Biznesi duhet ta vetëkorigjojë veten. Në rast se nuk reagon pas thirrjes do të zbatohet ligji”.
Sipas të dhënave nga Drejtoria e Tatimeve dhe Inspektoriati i Punës, në dy muaj kontrolle janë zbuluar rreth 890 punonjës të pasiguruar. Nga të gjitha kontrollet e kryera në vend, rezulton se gati 21% e sipërmarrjeve kryejnë shkelje tatimore, ku përshihet moslëshimi i faturës, mungesa e mbajtjes së bilanceve, mosdeklarimi i punonjësve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English