Tirana, Kryeqyteti i të rinjve të Europës


Kryeqyteti i Shqipërisë, Tirana është shpallur fitues i çmimit “European Youth Capital 2022”. Aplikimi për këtë çmim u bë nga organizatat me fokus rininë në Tiranë, me drejtimin e Kongresit Rinor Kombëtar dhe mbështetjen e Bashkisë Tiranë. Ky çmim jepet nga Forumi Rinor Europian, i cili mes 5 qyteteve zgjodhi Tiranën si kryeqendrën e të rinjve për vitin 2022.

Kryeqyteti Europian  i Rinisë, është një titull që synon Të fuqizojë të rinjtë, rritjen e pjesëmarrjes së tyre në vendimmarrje dhe forcimin e identitetit europian. Ky titull i jep mundësi qytetit të Tiranës të shfaqë idetë, projektet dhe aktivitetet e tij inovative që synojnë të fuqizojnë zëra dhe të sjellin një perspektivë të re të të rinjve në të gjitha aspektet e jetës së qytetit.

Programi i Tiranës si Kryeqyteti Evropian i Rinisë me slloganin “Activate” synon të vendosë vëmendjen në përfshirjen e vazhdueshme të të rinjve në vendimmarrje, të nxisë shpirtin e aktivizmit tek të rinjtë dhe të ushqejë potencialin rinor të qytetit.

Forumi Rinor Europian, i cili jep këtë çmim, përfaqëson një rrjet organizatash në nivel europian e mbështetur drejtëpërdrejt nga Komisioni Europian. Qyteti fitues përgjatë një viti mban evente dhe projekte të ideuara për të demonstruar rolin aktiv, thelbësor që luajnë të rinjtë dhe organizatat rinore në shoqëri. Kjo nënkupton për Tiranën një përqëndrim të ndjeshëm të aktiviteteve, projekteve dhe progameve me fokus rininë, si dhe rritje të investimeve dhe shërbimeve për këtë kategori.

Ceremonia e shpalljes se çmimit u zhvillua në Amiens të Francës, qyteti që mban këtë titull për vitin 2020. Fituesi u zgjodh nga juria që përbëhej nga përfaqësues të institucioneve dhe organizatave të mëposhtme: Parlamenti Europian, Komiteti i Rajoneve, Kongresi i Autoriteteve Lokale dhe Rajonale të Këshillit të Evropës, Komiteti Ekonomik dhe Social Europian, Këshilli i Komunave dhe Rajoneve Europiane, Këshilli Këshillimor i Rinisë i Këshillit të Evropës, Zyra e OSBE-së për Institucionet Demokratike dhe të Drejtat e Njeriut, Fondacioni Schwarzkopf Evropa e Re, Nisma e Shoqërisë së Hapur për Evropën, IDEA Ndërkombëtare, EurActiv, Lëvizja Evropiane Ndërkombëtare, Eurodesk dhe Forumi Rinor Europian.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale