Tirana Inc. zhvilloi Bootcamp-in e parë për 10 skuadrat e përzgjedhura - Business Magazine Albania

Tirana Inc. zhvilloi Bootcamp-in e parë për 10 skuadrat e përzgjedhura

Inkubatori i startupeve për studentë në Shqipëri, Tirana Inc. zhvilloi bootcamp-in e parë për 10 skuadrat që u përzgjodhën për t’u trajnuar rreth ideve të tyre të biznesit.

Bootcamp-i u organizua gjatë tri ditëve në ambientet e universitetit Polis, një prej universiteteve theme ku sipërmarrësit e ardhshëm patën mundësi të njihen me mentorët e programit dhe ekipet e tjera. Gjatë bootcamp-it, ekipet diskutuan gjatë me mentorët e tyre rreth ideve përkatëse të biznesit, strategjive të zhvillimit të startup-eve të tyre, si edhe mundësive të reja të bashkëpunimit.

Përveç mentorëve ekspertë në fushën e biznesit, e ftuar speciale në bootcamp ishte edhe znj. Sonila Abdalli, themeluese e Destil Creative Hub. Historia e saj është model i denjë suksesi, që frymëzoi sipërmarrësit e rinj dhe i nxiti ata të mendojnë përtej kornizave lidhur me idetë e tyre inovatore. Gjatë bashkëbisedimit me Sonilën, studentët e Tirana Inc ndanë mendimet e tyre rreth startup-eve dhe sfidave që hasin bizneset në fazat e tyre fillestare.

Pas këshillimit të vazhdueshëm me mentorët dhe diskutimeve të frytshme gjatë dy ditëve, ekipet prezantuan idetë e tyre në ditën e tretë të bootcamp-it. Idetë e tyre lidhen me teknologjinë, transportin, shëndetin, menaxhimin e kohës dhe aspekte të tjera, që lehtësojnë përditshmërinë e qytetarëve.

Trajnimi i ekipeve është intensiv dhe zgjat 100 ditë, duke synuar konsolidimin e ideve të biznesit dhe strategjive të implementimit të tyre. Energjia pozitive e studentëve, larmishmëria e ideve dhe dobia praktike e tyre e nxisin Tirana Inc. të motivojë dhe nxisë ekipet për realizimin e ideve të tyre.

“We have a strategic” plan, its called doing things”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0