Meta ka njoftuar se ka filluar të testojë dy veçoritë më të kërkuara: draftet dhe kamerën brenda aplikacionit. Kreu i Instagramit, Adam Mosseri tha se të dyja veçoritë janë të disponueshme vetëm për një numër të vogël njerëzish.
Përdoruesit që kanë akses në draft mund të ruajnë vetëm një postim (bummer). Mund të shkruani postimin që mund të dëshironi të postoni më vonë te “composer” dhe thjesht rrëshqitni poshtë për të ruajtur draftin. Aplikacioni Threads tregon gjithashtu një ikonë të ndryshme “composer”-i në shiritin e poshtëm, kur ka një draft të ruajtur që nuk e keni postuar ende.
Së bashku me veçorinë e re të drafteve, Mark Zuckerberg postoi një foto përmes “shortucts” së re të kamerës që hapet te “composer”. “Shortucts” e bën më të lehtë nëse doni të postoni shpejt një foto te Threads. Por nuk është e qartë nëse keni funksione bazë të modifikimit si prerja e imazhit.
Me më shumë se 130 milionë përdorues aktivë në platformë, Threads po kërkon të prezantojë më shumë mjete për angazhim për këta përdorues. Në fillim të këtij muaji, kompania prezantoi temat më të spikatura dhe ka filluar testimin e funksioneve të “cross-posting” nga Facebook.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
