Bashkimi Europian (BE) dhe Agjencia Europiane e SME-ve (EASME) fton SME-të të cilat synojnë të zgjerohen dhe të bëhen pjesë e pesë tregjeve të synuara: SHBA, Kanada, Indi, Kili dhe Kamerun, të aplikojnë në thirrjen e hapur për projektin Ready2Go.
SME-të të cilat mund të aplikojnë duhet ti përkasin sektorëve të: Agro-ushqimit, Bioteknologjisë, Artizanatit, ICT, Fasonë, Përpunimit të Drurit dhe Mobilerisë, Industrisë Kreative, Energjisë së Rinovueshme, Shërbimeve, Mjedisit etj.
SME-të e përzgjedhura do të kenë mundësi të bëhen pjesë e:
- Sesioneve të trajnimeve individuale, të cilat zhvillohen gjatë periudhës qershor-gusht 2017;
- Sesioneve të trajnimeve në grup, të cilat do të organizohen në 5 qytete europiane;
- Takimeve B2B në pesë tregjet e synuara përgjatë periudhës nëntor 2017- korrik 2018
Pjesëmarrja në këto aktivitete është pa pagesë, por bizneset duhet të mbulojnë shpenzimet e tyre të udhëtimit. Kompanive mund t’i ofrohet një rimbursim i pjesshëm i këtyre shpenzime.
Afati përfundimtar për pranimin e aplikimeve në këtë thirrje është data 17 Mars 2017.
Kompanitë shqiptare të interesuara të aplikojnë në linkun: https://www.b2match.eu/ready2go.
Për çdo paqartësi gjatë aplikimit, mos hezitoni të kontaktoni: info@aida.gov.al.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
