Vasil Bedinaj, nga Rexhina Group, Vlorë do të jetë pjesë e Episodit të V-të të “Think Big”.
Takimi me të na rikthen sërish në të njëjtin vend si para 1 viti e gjysëm. Kjo është intervista e dytë me z. Bedinaj dhe në mes na ndan pandemia. Atëherë nuk do ta denim goditjen që na priste dhe rrjedhën që do të merrnin ekonomia dhe turizmi në veçanti.
Nga bisedat para pandemisë me ekspertë të sektorit dhe aktorë të industrisë, viti 2020 pritej të ishte një boom në turizëm dhe hoteleri. Mirëpo, ajo që ndodhi ishte diçka e rëndë, që ndaloi këtë evolucion, përkohësisht për të vazhduar sërish. Për disa ishte më e vështirë, për disa më e lehtë…për disa mbase dhe fatale në termat e biznesit.
Në këtë episode, nga intervista me Z. Vasil Bedinaj, kemi mundur të kapim ndjesitë, sfidat dhe pritshmëritë që ishin përpara pandemisë.
Gjatë këtij takimi ju do të zbuloni, si ishte ndikimi i pandemisë në sezonin e kaluar për turizmin dhe hotelerinë? Sa rëndë u godit ky sektor? Cilat ishin vështirësitë më të mëdha të z.Bedinaj, në aspektin e menaxhimit të situatës? Si u përballë ai me to?
Rexhina Radhime u inaugurua vitin e kaluar, në fillim të sezonit, por në kushte aspak normale… Në këtë periudhë, ku niveli i pasigurisë ishte kaq i lartë, sa besonte se do të kishte sukses ky investim?
Për të pasur një industri të suksesshme turizmi, nevojitet më tepër se një hotel, për këtë arsye ai investoi në ndërtimin në vend të anijeve për turet detare, të cilat i janë shtuar përvojës së turistit.
Mbi një vit më parë kemi trajtuar çështjen e burimeve dhe kapaciteve njerëzore dhe vështirësitë e sektorit. Ishte nevoja për punonjës, të kualifikuar në shërbim dhe që e duan atë që bëjnë. U fol për fushatat e ndërgjegjësimit tek shkollat 9 vjeçare për t’i informuar si është të punosh në turizëm, për nxitjen e të rinjve të zgjedhin në universitet degën e turizmit.
Mbi një vit më parë ai u shpreh se Vlora po ecën mirë si qytet. “Kemi nevojë për rritje të ofertës së shtretërve, investimeve në hotele, rezorte, etj. Si e shikon ai tani, ju ftojmë të ndiqni episodin e Think Big, të Enjten me 29 Korrik, ora 20: 15 premierë në kanalin e You Tube dhe Watch Party në Facebook Live.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
