Themeluesi i WikiLeaks Julian Assange arrestohet në Londër; përballet me ekstradimin e mundshëm në SHBA » Business Magazine Albania – Media Dixhitale dedikuar Sipërmarrjes
Përditësuar së fundmi: 12/04/2019

Themeluesi i WikiLeaks Julian Assange arrestohet në Londër; përballet me ekstradimin e mundshëm në SHBA

Share
nga Eridon Elshani
Pri 12, 2019
-Manages Business Mag Kosovo -Studies Philosophy at University of Prishtina
lexo me teper >

Themeluesi i WikiLeaks Julian Assange u arrestua në Londër të enjten në mëngjes, pothuajse shtatë vjet pasi kërkoi strehim në ambasadën e Ekuadorit dhe do të përballet me një ekstradim të mundshëm në Shtetet e Bashkuara.

Policia Metropolitane e Britanisë së Madhe konfirmoi se Assange u arrestua nga oficerët në ambasadë pasi qeveria ekuadoriane tërhoqi azilin për shtetasin australian. Assange u dërgua në një stacion qendror të policisë në Londër dhe do të paraqitet në Gjykatën e Magjistraturës së Westminster-it “sa më shpejt të jetë e mundur”, tha policia.


Policia tha se ai ishte arrestuar për shkak të refuzimit për t’u dorëzuar në gjykatë nga një urdhër i lëshuar nga Gjykata e Magjistratëve të Westminsterit në qershor 2012. Policia më vonë përditësoi se arrestimi kishte lidhje me një urdhër ekstradimi në emër të autoriteteve të Shteteve të Bashkuara. Avokati i Assange konfirmoi të enjten se themeluesi 47-vjeçar i WikiLeaks u arrestua me një kërkesë për ekstradim nga SHBA-të, si dhe për shkelje të kushteve të B.M, deklaroi The Associated Press. Një burim i njohur mirë me situatën i tha NBC News se Shtetet e Bashkuara po bëjnë plane për të kërkuar ekstradimin e Julian Assange nga U.K. në lidhje me akuzat federale të paraqitura në Rajonin Lindor të Virxhinias.

Pas arrestimit, SHBA kishte akuzuar Assange për një komplot përmes hakimit. Assange kërkoi azil në ambasadën e Londrës në 2012 për të shmangur ekstradimin në Suedi për një rast të një sulmi seksual. Dy vjet më parë, qeveria suedeze lëshoi një urdhër për Assange në lidhje me akuzat për sulme seksuale dhe përdhunim. Ai vazhdimisht mohoi akuzat dhe iu dorëzua policisë britanike muajin e ardhshëm dhe u lirua me kusht.

Megjithatë, ai shmangu policinë dhe iku, duke çuar në një urdhër të dytë, që ishte bazë për arrestimin e tij këtë javë. Në vitin 2017, prokurorët suedezë u tërhoqën nga hetimet paraprake, duke i dhënë fund një beteje ligjore shtatëvjeçare atje. Assange kishte refuzuar të largohej nga ambasada e Ekuadorit dhe pretendoi se do të ekstradohej në SHBA për t’u marrë në pyetje mbi aktivitetet e WikiLeaks.

Organizata e tij u bë e njohur për publikimin e informatave sekrete dhe lajmeve që në disa raste shkaktuan shqetësime për qeveritë dhe zyrtarët publikë. Julian Assange është parë në një furgon policor pasi u arrestua nga policia britanike jashtë ambasadës ekuadoriane në Londër.

WikiLeaks në reagimin e tyre ndaj arrestimit akuzoi Ekuadorin për ndërprerjen “ilegalisht të “azilit politik të tij në kundërshtim me të drejtën ndërkombëtare”. Julian Assange nuk donte të dilte nga ambasada’. Ambasadori i Ekuadorit ftoi policinë britanike në ambasadë dhe ai u arrestua menjëherë, “tha WikiLeaks në një postim në Twitter. Marrëdhënia e Assanget me Ekuadorin filloi të përkeqësohet më parë këtë muaj pasi Assange u akuzua për përhapjen e informacioneve personale të Presidentit Lenin Moreno.

Moreno akuzoi WikiLeaks për përgjimin e thirrjeve telefonike dhe bisedave private, si dhe “fotot e dhomës sime, kur ha, dhe se si qëndroj me familjen dhe miqtë e mi”, njoftoi A.P më parë këtë muaj. Moreno nuk dha prova, por deklarata reflektonte tensionin e vazhdueshëm mes Assange dhe strehuesve të tij në ambasadë. Pas arrestimit, Moreno sulmoi Assange. “Sot, njoftoj se sjellja e pahijshme dhe agresive e z. Julian Assange, deklaratat armiqësore dhe kërcënuese të organizatës së tij kundër Ekuadorit dhe veçanërisht shkeljes së traktateve ndërkombëtare, e kanë çuar situatën në një pikë ku azili i z. Assange është i paqëndrueshëm”, tha ai në një video-deklaratë të postuar në Twitter.

Sipas Reuters, zëdhënësi i Kremlinit Dmitri Peskov tha se Moska shpreson që të drejtat e Assange nuk do të shkelen.

/CNBC


Evente

Rikthehet TË RINJTË FLASIN!

Korrik 31, 2019
2 PM – 5 PM