Altin Prenga, ose Altini i Mrizit siç e njohim të gjithë ne është vlerësuar nga Presidenti i Republikës Italiane, me titullin ‘Cavagliere della Stella D’Italia’.
Në shtëpinë Ambasadorit Italian, Z. Bucci, Altini u vlerësua nga vetë Presidenti Italian me Urdhërin e Yllit të Italisë duke u emërtuar kështu Kalorës Nderi. Vlerësohet si urdhëri i katërt për nga rëndësia që akordohet për personalitetet në vendin fqinj.
“Shpesh në shkollë më quanin hutaq, sepse humbja me mendimet dhe ëndrrat e mia, fatkeqësisht nuk arrita ta mbaroj as shkollën e mesme sepse ishin kohët pas 1997, sepse ika në Itali 15 vjeç por ja që ja vlejti të jesh ëndërrimtar!” e nis njoftimin e tij Altini në Facebook.
Ky është titulli më i lartë që mund t’i jepet një shtetasi jo Italian.
Në postim ai shkruan “I privilegjuar për medaljen dhe titullin më të lartë që mund t’i jepet një shtetasi jo Italian nga Presidenti i Republikës Italiane, Cavagliere della Stella D’Italia”.
Këtë medalje ai ia dedikon vëllait të tij Antonit, familjes, bashkëpunëtorëve, fermerëve, miqve klientë dhe në veçanti miqve italianë që pati fatin t’i njihte kur ishte në Itali.
Lexoni: Altin Prenga: Të gjithë i kemi borxh vendit tonë
Titulli “Cavagliere della Stella D’Italia” është i rezervuar për shtetasit italianë dhe të huajt të cilët, jashtë vendit, kanë fituar merita të veçanta në promovimin e miqësisë dhe marrëdhënieve të bashkëpunimit midis Italisë dhe vendit në të cilin ata veprojnë dhe në promovimin e lidhjeve me Italinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
