Javës që shkoi, e gjithë bota u “çmend” nga ato çka Elon Musk prezantoi. Tesla Roadster e re, e aftë të përshpejtojë nga 0 në 100km/h në vetëm 1.9 sekonda. Gjithashtu, ai u shpreh se ajo është aftë të arrijë shpejtësi mbi 400km/h. Kjo, shume larg çdo makine tjetër sot për një çmim prej vetëm $200.000. Por, gjithsesi këto janë vetëm pretendime, sepse asgjë nuk është provuar ende.
Lexoni: Lufta e “Princit të taksive” kunder depërtimit të Uber në Japoni
Elon Musk, një ish pronar i legjendares McLaren F1, duket se harroi se makinat, nuk ecin vetëm drejt.
NIO EP9, është aktualisht makina elektrike më e shpejtë në planet. Ajo e ka provuar këtë duke u bërë makina më e shpejtë në pistën e Nurburgring në Gjermani. Kjo pistë, e ndërtuar thuajse 100 vite më parë quhet ndryshe “The green hell”. Cirkuiti verior i saj apo siç quhet ndryshe Nordschleife, është një nga cirkuitet më të gjatë me gjatësi prej 20.7 km. Ajo konsiderohet si një nga pistat më të vështira në planet, për shkak të relievit, por edhe të kthesave që ajo ka. Vitet e fundit ajo është kthyer në pistën ku të gjitha kompanitë pretendente, testojnë makinat e tyre dhe regjistrojnë kohët, për të argumentuar performancën e tyre pak më mirë.
Lexoni: Android Auto vs. Apple CarPlay. Estetika kundër funksionalitetit
E ndërsa Tesla dhe Elon Musk ende flasin për numra, NIO EP9 ka vendosur një kohë minimale prej 7 minuta e 5.21 sekonda. Një rekord ky për makinat elektrike. Kompania kineze, ndonëse më pak e njohur nga të tjerët, duket se është goxha hapa përpara. Ndërkohë që Tesla, ende nuk ka regjistruar anjë kohë në cirkuite.
Makinat elektrike kanë hasur pak probleme në pistën e lart përmendur për shkak të mbinxehjes së baterive në momente të caktuara. Por, faktet duhet të konsiderohen të gjitha, jo vetëm ato që nevojiten për të bërë një LAJM!
https://youtu.be/j8IscEyYrV0
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
