Ju mund të mësoni shumë nga një histori kërkimi!
Këtë muaj, Google ka publikuar listën vjetore të kërkimeve që lidhen me shëndetin për vitin 2022. Jeni kuriozë për çfarë janë shqetësuar më së shumti njerëzit sa i takon mirëqenies së tyre?
Nuk është Covid-19, ndryshe nga sa mund të mendoni. Vitin që shkoi, vaksinimi dhe parandalimi i infeksionit ishin me interes të madh, por këtë vit nuk përmendet koronavirusi në kërkimet kryesore për shëndetin.
Njerëzit kanë kërkuar këtë vit për rimëkëmbjen fizike dhe mendore, si të bëhemi më të fortë fizikisht dhe si të përballemi me çështje si ankthi, depresioni, çrregullimi i hiperaktivitetit të deficitit të vëmendjes dhe çrregullimi obsesiv-kompulsiv.
Në focus për qytetarët është janë edhe ushtrimet në palestër, stërvitjet për peshën trupore dhe ushtrimet për shëndetin mendor.
Lexo: Përdoruesit e Twitter votojnë që Elon Musk të dorëhiqet si CEO
Përdoruesit e Google pyetën po ashtu se si të trajtojnë stresin, si të shmangin sulmet e panikut e deri te kura për depresionin. Ata kërkuan gjithashtu praktika të mira të shëndetit mendor për të vegjlit, të lidhura kryesisht me frymëmarrjen.
Pas një pandemie globale dhe kaosit që u krijua më pas me kthimin në vendet e punës e në shkollë nuk është e habitshme që kërkimet më të shpeshta kanë të bëjnë me shëndetin mendor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
