Viti 2025 po rezulton të jetë një nga vitet më të nxehta të regjistruara ndonjëherë, duke arritur nivele pothuajse të barabarta me vitin 2023.
Sipas të dhënave të reja të Copernicus (KO-PER—NI-KUS) temperaturat globale nga janari në nëntor janë 0.60°C më të larta se mesatarja e viteve 1991–2020, ose 1.48°C më të larta se periudha para-industriale (1850–1900).
Vetëm viti 2024 ka qenë më i ngrohtë, duke kaluar për herë të parë nivelin 1.5°C mbi temperaturat para-industriale.
Lexo edhe:Qentë e Çernobilit bëhen blu, shkencëtarët shpjegojnë fenomenin e çuditshëm
Nëntori i vitit 2025 ishte nëntori i tretë më i ngrohtë në botë, për shkak të temperaturave shumë të larta në Kanadanë e Veriut dhe Arktik. Gjithashtu pati mot ekstrem, si ciklone tropikale në Azinë Juglindore, që sollën përmbytje të rënda dhe viktima.
“Nëntori 2025 ishte 1.54°C më i ngrohtë se periudha para-industriale”, thotë Samantha Burgess nga Copernicus.
Temperatura mesatare për vitet 2023–2025 ka shumë gjasa të kalojë 1.5°C për herë të parë.
Ajo thekson se këto shifra tregojnë se ndryshimet klimatike po përshpejtohen, dhe mënyra e vetme për të ndaluar rritjen e temperaturave është ulja e shpejtë e gazeve serrë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
