Teknologjia e re e pagesave nga Amazon mund të ndryshojë përgjithmonë mënyrën e të bërit pazar - Business Magazine Albania

Teknologjia e re e pagesave nga Amazon mund të ndryshojë përgjithmonë mënyrën e të bërit pazar

Teknologjia e re Amazon, e prezantuar në dy dyqane Amazon Go këtë javë, i lejon blerësit të paguajnë duke vendosur dorën mbi një skaner. Sistemi, i quajtur Amazon One , mund të paralajmërojë një mënyrë të re për tu identifikuar dhe për të paguar për gjëra, që mund të ndryshojnë mënyrën e blerjeve, hyrjen në koncerte, përdorimin e transportit publik dhe shumë gjëra të tjera.

Ndoshta keni përdorur një skaner për gjurmët e gishtërinjve ose njohjen e fytyrës për shkyçje të menjëhershme të telefonit. Ju tashmë e dini që zëri juaj dhe retinat tuaja mund të përdoren për t’ju identifikuar pozitivisht dhe për t’ju dhënë akses në pajisjet tuaja të ndryshme, dhe ndoshta për të siguruar qeveritë ose godinat e bizneseve. Teknologjia e re e Amazon e quajtur Amazon One e çon biometrikën një hap më tej duke lejuar blerësit të paguajnë për blerjet me një skanim të thjeshtë të pëllëmbës.

Për të shmangur shqetësimet e privatësisë, kompania thotë se i kripton të dhënat biometrike para se t’i ruajë ato në cloud, dhe se të ato do të fshihen me kërkesën e klientit. Një ekzekutiv i Amazon i tha GeekWire se kompania kishte zgjedhur qëllimisht pëllëmbën e përdoruesve si një identifikues biometrik sepse njerëzit nuk mund tw identifikohen nga pëllëmbët e tyre ashtu siç mund të identifikohen nga fytyrat e tyre. (Amazon është përballur me polemika rreth teknologjisë se skanimit të fytyrës për qëllime ligjzbatuese dhe e ka pezulluar përdorimin e tillë për një vit.) Një përfitim tjetër është që përdoruesi duhet të zgjedhë të vendosë dorën e tij mbi skanerin, që do të thotë që përdoruesit nuk mund të skanohen pa dijeninë ose pëlqimin e tyre.

Blerje në 15 sekonda?

Todd Bishop i GeekWire provoi Amazon One në dyqanet Amazon Go të Seattle dhe zbuloi se përvoja e tij e blerjeve ishte tepër e shpejtë. Siç premtoi kompania, u desh më pak se një minutë për të vendosur skanimin e pëllëmbës së tij në një kioskë të vogël, duke e lidhur atë me kartën e tij të kreditit dhe numrin e telefonit. Dyqanet Amazon Go nuk kanë regjistra parash, kështu që nuk ka vend për të pritur në radhë. Pa patur nevojë për të nxjerrë telefonin (kjo është mënyra se si blerësit tradicionalisht fitojnë qasje në dyqanet Amazon Go dhe pastaj paguajnë për blerjet e tyre), nuk kishte asgjë për të ngadalësuar atë; e gjitha çfarë duhej të bënte ishte të vinte dorën mbi një skaner për të paguar pijen e tij. “E gjithë proceduara zgjati  më pak se një minutë,” shkruan ai.

LEXO: Amazon në shënjestër të BE, akuzohet për konkurrencë të pandershme

Të paguash me pëllëmbën tuaj mund të mos duket si një punë kaq e madhe, por është e lehtë të shohësh potencialin e ardhshëm të kësaj teknologjie, të cilën Amazon tashmë po u ofron kompanive të tjera. Imagjinoni lehtësinë, duke përdorur pëllëmbën tuaj për të hipur në një aeroplan, për të hyrë në një mbrëmje, për të paguar ushqimet ose për tu identifikuar në vendin tuaj të punës.

Amazon Go është vetë një dyqan provë-i-konceptit – sapo të skanoni veten, merrni gjithçka që dëshironi dhe dilni jashtë dhe sistemi ju tarifon automatikisht. Amazon gjithashtu e ka ofruar kwtë teknologji për kompani të tjera. Përdorimi i përhapur i teknologjisë Amazon Go do të jetë sfidues, megjithëse përbehet nga një numër i madh kamerash dhe sensorësh që mbikëqyrin çdo blerës dhe çdo send ndërsa zhvendoset nga rafti ose vendoset përsëri atje. Amazon One, i cili kërkon vetëm një pajisje skanimi, do të ishte shumë më e lehtë për t’u vendosur. Kjo do të thotë që ju mund ta gjeni veten duke paguar për gjërat me pëllëmbën tuaj më shpejt sesa mund të mendoni.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0