Studimi që do të prezantohet në “Pediatric Academic Societies meeting” në San Francisco, thotë se një fëmijë shpenzon mesatarisht 30 minuta në ditë para ekraneve të vegjël dhe rreziku për vonesa në të folur rritet me 50%.
Ata kanë studiuar 894 fëmijë të moshave 6 muajsh deri në 2 vjeç në Toronto, për një periudhë 3-vjeçare. Në kontrollin e 18 muajshit, 20 % e fëmijëve kalonin 28 minuta në ditë me këto pajisje, sipas prindërve të tyre.
Në studim nuk kishte lidhje të tjera të dukshme mes kohës së qëndrimit në ekran dhe vonesave të tjera në komunikim përfshi ndërveprimet shoqërore apo gjuhën e trupit.
Dr. Catherine Birken, autorja e studimit thotë se pavarësisht këshillave të ndryshme se sa kohë duhet të rrijë një fëmijë para ekranit, “ne besojmë se përdorimi i smartphone dhe tabletëve është bërë mëse i zakonshëm në jetën e tyre dhe kjo nuk ndikon pozitivisht tek fëmijët e vegjël”.
Ajo mbështet rekomandimet e fundit të “American Academy of Pediatrics” që të ndalohet përdorimi i tyre nën moshën 18 muajshe. Megjithatë studimi thotë se nuk ka prova direkte të shkakut dhe efekteve pasi këto do të jenë objekt studimi në të ardhmen.
burimi: lajmifundit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
