“TechLab By Protik” , Finalizohet përmbyllja e tij me datë 18 Nëntor

Për gati 3 muaj që nga hapja e programit të inkubimit “TechLab By Protik” , do të finalizohet përmbyllja e tij me datë 18 Nëntor pranë ambjenteve të Qëndrës Protik në ditën finale të Demo-Day. Një rrugëtim i bukur me pjesmarrjen e shumë Sturtup-eve që aplikuan për tu bërë pjesë e këtij programi, por vetëm 6 prej tyre arritën që të përzgjidhen pasi kaluan me sukses fazat e vlerësimit nga një juri profesioniste në fushën e investitorëve, sipërmarrësve dhe ekosistemit të statup-eve. Qëllimi i kësaj nisme ishte të fuqizojë kapacitetet njerëzore nëpërmjet nxitjes së inovacionit dhe sipërmarrjes. Përballë shumë ideve të biznesit, u identifikuan ato projekte të cilat adresonin në mënyrë efiçente sfidat e digitalizimit. Pjesmarrësit u fuqizuan në mënyrën e të bërit pitch idenë e tyre tek investitorët potencialë. Zhvillimi i një programi bootcamp-i intensiv 3 ditorë në Razëm, i bazuar në parimet e Lean Startup i trajnojë të rinjtë në mënyrën sesi të ideojnë idetë e tyre si dhe të hartojnë modelet e biznesit nëpërmjet Programit Biznes Model Canva, por mbi të gjitha të krijojnë baza të qëndrueshme në të ardhmen.

“TechLab by Protik” u vendos në zbatim me mbështetjen e Minister Shteti për Mbrojtjen e Sipërmarrjes.
Më datë 18 Nëntor në orën 18:00 do të zhvillohet ceremonia përmbyllëse ku 6 Startup-et e përzgjedhura do të prezantojnë pitch idenë e tyre përballë jurisë, dhe do të zgjidhet fituesi i cili do të ketë idenë më frymëzuese për të sjellë ndryshim. Skuadra fituese ka ekskluzivitetin e një udhëtimi 7 ditorë në Austri ku do të kryejë një study visit me aktorët e ekosistemit në Vienë.