Tech Creed prezanton eventin “Digital Day Albania” - Business Magazine Albania

Tech Creed prezanton eventin “Digital Day Albania”

Digital Day vjen për herë të parë në Shqipëri më datë 14 Nëntor në ambientet e Hotel Rogner. I ftuari special, i cili do të prezantojë eventin është Nikos Katsiantonis, trainues, mentor dhe folës për TEDx Athens. Eventi ka synim të shërbejë si një urë komunikimi midis studentëve dhe të rinjve të apasionuar me teknologjinë e informacionit dhe kompanive që operojnë tashmë në tregun e IT në Shqipëri.

Eventi është organizuar në mënyrë të tillë që t’u japë mundësinë të gjithë palëve pjesëmarrëse të përfitojnë prej tij. Kështu secila prej kompanive partnere do të ketë hapësirën e dedikuar në axhendë për t’u prezantuar dhe për të sjellë në vëmendje një “IT business challenge” të tyren. Qasjet ndaj këtyre sfidave do të përbëjnë dhe fokusin e punës në grupe që do të realizohet nga pjesëmarrësit. I gjithë procesi i punës në grupe do të mbështetet nga përfaqësues të kompanive partnere, të cilët shërbejnë si “coaches” për të orientuar procesin e “desgin thinking” të pjesëmarrësve. Gjithashtu, suporti teknik do të jetë i pranishëm nga stafi i Tech Creed. 

Gjatë gjithë ditës së eventit stendat e kompanive partnere do të jenë të pranishme, ku pjesëmarrësit do të kenë mundësinë të shkëmbejnë kontaktet e tyre. Puna në grupe do të finalizohet me përzgjedhjen e një grupi fitues, nga paneli i kompanive partnere. Eventi gjithashtu nuk lë jashtë fokusit dhe zhvillimin e “soft skills” për pjesëmarrësit nëpërmjet lojërave “get to know each other”.

Bileta, e cila përfshin pjesën e eventit të mbyllur (prezantimi i kompanive dhe puna në grupe), kushton 500 lekë dhe për studentët që zotërojnë kartën e studentit, 300 lekë. Pasi plotësojnë formën e aplikimit, aplikuesit i nënshtrohen një faze filtrimi nga ku të përzgjedhurit do ti nënshtrohen një intervistë paraprake, nga ku do të përzgjidhen dhe pjesëmarrësit final.

Shihemi në “Digital Day Albania”! Regjistrohuni këtu!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0