Të kthejmë në standard përvojën e mësimit online. Flet drejtoresha e shkollës “Gjergji Canco” Hedie Gjoni

Hedie Gjoni

 Shkolla e Mesme Profesionale Gjergji Canco është e populluar vetëm nga mësuesit. Tek dera të pret një staf me bluzë të bardhë, të mat temperaturën, jep maskën dhe higjenizuesin e duarve. Drejtoresha Hedie Gjoni gjendet në katin e dytë dhe e shkëpusim nga tavolina me një grup mësuesish. Kjo është shkolla që u inagurua pak ditë para shpalljes së pandemisë dhe nxënësit ende nuk e kanë gëzuar fizikisht. Por, ndjesia e komunikimit online ndihet ndërsa shikon mësues të angazhuar në sallat e katit të dytë, me kompjuter përpara. Drejtoresha tregon rrugëtimin intensiv në distancë të mësimdhënies së këtyre muajve. Përshtatja e menjehershme ishte ajo që duhej dhe ndodhi. Vendimi i mbylljes paraditen e së hënës ndryshon tërësisht mësimin për të nesërmen.

Gjoni thotë se, “ne e kishim tonën përdorimin e teknologjisë në mësimdhënie dhe menjëherë u angazhuam të gjenim një zgjidhje optimale për situatën. Mësuesit e Teknologjisë së Informacionit dhe drejtoria propozuan një platformë ditore për të zhvilluar mësimin normal. Metodat përdoreshin edhe më parë, për praktikat profesionale, detyrat, etj, por jo domosdoshmërisht për mësimin. Pra, e veçanta ishte që mësimi të bëhej i tillë. Më e vështirë ishte për lëndët e kulturës së përgjithme, të cilat nuk ndienin nevojën e përdorimit të platformave online më parë”.

Menjëherë mësuesit nisën të përdorin classroom. Gjoni tregon se shkollës iu gjend afër edhe projekti zviceran “Aftësi për Punë” me platformën MësoVet. “Nevojitej që materialet mësimore të hidheshin në një patformë dhe kjo ishte një zgjidhje për ne”. Ndërsa mësimi zhvillohej në Google Classroom, MësoVet ishte një platformë shumë e mirë mbështetëse. Drejtoria u organizua që të ishte pjesë e të gjitha classroom-eve për të monitoruar procesin mësimor. Vetë drejtoresha tregon se është pjesë e të gjitha grupeve të komunikimit.

I gjithë ky ndryshim erdhi natyrshëm, sipas Gjonit. Kjo me gjasa edhe për shkak të profilit të degëve.

Por sigurisht, është vënë re tashmë hapi cilësor i shkollës drejt komunikimit online. Sigurisht që ka nxënës që nuk e ka kapur ritmin e mësimit online, ose nuk ka pasur akses për mungesë të teknologjisë. Në shkollën Gjergji Canco shkalla e pjesëmarrjes në mësimi dhe e angazhimit me detyra është në nivelin 95%, sipas drejtoreshës. Por ajo thekson se programi është i tillë ku çdo vit risillet informacioni bazë i vitit të kaluar, çka mundëson të mos shpëtojnë pa i kapur njohuritë thelbësore. “Dy javët e para pati një stepje, ndërsa më tej është rritur frekuentimi i klasave online. Gjithë kohën nxënësit e kanë ndjerë që janë në shkollë. Është pozitive që nxënësit edhe me këto metoda kanë marrë informacionin e duhur. Lëndët tona janë edhe vazhdim i logjikës që kemi në lëndët e një viti më parë. Në testet online, kemi arritur të kuptojmë që rezultatet janë të ngjashme edhe në test në shkollë”, thotë Gjoni.

Për mësuesit kjo ishte një periudhë shumë impenjative. Forma online e mësimdhënies i ka mbajtur më të angazhuar ata. Shumë prej tyre u është dashur t’i rishohin materialet në mënyrë që të sjellin informacione sa më të qarta dhe të sakta.

Si çdo e keqe që ka një të mirë, kjo periudhë shënoi një kohë rekord, ku të gjithë mësuesit arritën të përfshihen online. “Kjo është fantastike për sistemin dhe për mësues më pak të prirur për të përdorur teknologjinë. Është e rëndësishme që kjo të standardizohet për t’u shfrytëzuar në komunikim edhe në vitet e ardhshme. Eksperienca që na dha kjo periudhë është e jashtëzakonshme”, thotë Gjoni.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale