Përfaqësuesit e bareve dhe restoranteve i kanë dërguar një letër kryeministrit Rama, ku kërkojnë rihapje të aktivitetit pa kufizim orari.
Një ditë pasi u bë e ditur se nga data 18 Maj, baret dhe restorantet mund të nisin aktivitetin me kushte të reja, ata reaguan. Në letrën e tyre, kërkojnë që të mos kenë kufizim orari deri në 17:30, siç është parashikuar. Në letër ata thonë, “Klientët do të jenë në punë gjatë këtij orari dhe kështu xhiroja ditore do të jetë e pamjaftueshme për të paguar qiratë dhe pagat e punonjësve”.
Lexo: Propozimet e ish kryeminsitrit Aleksandër Meksi për përballimin e Covid19
Prej mëse dy muajsh të mbyllur ata kujtojnë se kanë qenë ndër bizneset e para që u shprehën të gatshëm të mbyllen dhe të vetëkarantinohen. Sipas tyre, asnjë pjesëtar i këtij sektori fatmirësisht nuk ka rezultuar i infektuar deri më tani.
Në letrën e tyre të hapur, drejtuesit e bareve dhe restoranteve kërkojnë që për këto aktivitete të mos ketë fashë orare, ndërsa theksojnë se kujdesi për mbrojtjen ndaj infektimit me COVID-19 të qytetarëve do të jetë maksimal.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
