Të dhënat e subjekteve tregtare nga Ballkani Perëndimor, të disponueshme në platformën e përbashkët rajonale të regjistrit – BIFIDEX - Business Magazine Albania

Të dhënat e subjekteve tregtare nga Ballkani Perëndimor, të disponueshme në platformën e përbashkët rajonale të regjistrit – BIFIDEX

Platforma e përbashkët rajonale e Ballkanit Perëndimor e regjistrit të biznesit BIFIDEX, anëtare e së cilës është edhe regjistri tregtar i administruar nga Qendra Kombëtare e Biznesit, është tashmë e gatshme  për përdorim me kapacitetin e saj të plotë.

Platforma BIFIDEX.com është një platformë rajonale për analizimin e të dhënave trgetare dhe financiare të shoqërive nga rajoni i Ballkanit Perëndimor dhe mundëson akses në të gjitha të dhënat statutore dhe financiare  të përafërsisht 1.5 milionë shoqërive dhe individëve nga regjistrat zyrtarë të Shqipërisë, Serbisë, Maqedonisë së Veriut, Malit të i Zi dhe Bosnje-Hercegovinës (Republika Srpska).

Platforma BIFIDEX.coma  u mundëson përdoruesve të saj të analizojnë të gjithë tregun rajonal sipas industrive dhe treguesve financiarë të tij, si dhe të krahasojnë performancën financiare të shoqërive të ndryshme.

Lexo: Mënyrat inovative që familjet po ndjekin për të ulur sa më shumë koston e faturës së energjisë elektrike

Platforma gjithashtu mundëson një informacion të plotë mbi shoqëritë e lidhura dhe degët  në të gjithë rajonin.

Të dhënat, të cilat janë publike dhe lehtësisht të aksesueshme në regjistrat zyrtar, merren në kohë reale me anë të kërkimit drejtpërdrejt në bazat e të dhënave të regjistrave zyrtarë, dhe janë të disponueshme në të gjitha gjuhët zyrtare si edhe në anglisht, ndërsa analiza financiare është në dispozicion në të gjitha monedhat vendase dhe në euro.

BIFIDEX njofton përdoruesit e interesuar sa herë që ka një ndryshim të të dhënave për shoqëritë ose pronarët dhe administratorët e tyre në regjistrat zyrtarë.

Kërkimet për shoqëri dhe individë janë pa pagesë dhe çdo përdorues i sapo regjistruar i BIFIDEX merr një abonim vjetor promocional falas për të përdorur një numër të kufizuar shërbimesh. Pas skadimit të abonimit promocional, përdoruesit mund të përdorin disa nga abonimet tregtare duke filluar nga 60 euro.

Lexo: Bizneset shqiptare që shitën dhe blenë aksione gjatë 2 viteve të fundit

Platforma BIFIDEX po zhvillohet që nga viti 2017 si një iniciativë rajonale e regjistrave tregtar, që synon rritjen e transparencës, sigurisë juridke dhe lehtësimin e ushtrimit të veprimtarisë tregtare,  në tregun më të gjerë rajonal të Ballkanin Perëndimor.

Kjo nismë mbështetet nga të gjitha qeveritë e regjistrave pjesëmarrës dhe është zhvilluar dhe financuar me mbështetjen e Bankës Evropiane për Rindërtim dhe Zhvillim (BERZH) dhe Fondit të Mbretërisë së Bashkuar për Qeverisje të Mirë.

Krahas lidhjes rajonale të të dhënave të saj me platformën BIFIDEX, Qendra Kombëtare e Biznesit vazhdon të përmirësojë shërbimet për përdoruesit e saj me futjen e shërbimeve të reja për bizneset në Shqipëri.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0