U mbajt takimi që ka për qëllim zhvillimin e mëtejshëm të mundësive të bashkëpunimit të biznesit kosovar dhe atij slloven, si dhe mundësive e të bërë biznes në vendet europiane.
Për këtë takim janë angazhuar ekspertë të sipërmarrjes dhe promovimit: Denis Gafuri dhe Bajram Fusha, nën mbështetje të zyrtarëve të Doganës së Kosovës dhe zyrtarë nga Ministria e Tregtisë dhe Industrisë.
Takimi u mbajt në kuadër të aktiviteteve të Klubit Slloven të Bizneseve (EAC Slovenian Business Club) me qëllim informimin dhe përgatitjen e bizneseve kosovare për tregjet europiane.
“Klubi si qëllim ka ofrimin e mundësive të bashkëpunimit të bizneseve kosovare me ato sllovene, ndërtimin e rrjetit të bashkëpunimit mes tyre, ndërtimin e infrastrukturës së bashkëpunimit dhe lehtësimit të tij, organizimit të takimeve, konferencave, vizitave studimore, panaireve, organizimit të takimeve B2B, gjetjen e përfaqësuesve dhe partnerëve etj. Të gjitha këto për të ndikuar në zhvillimin e ekonomisë dhe kreativitetit të sipërmarrjes në Kosovë,” thotë Bajram Fusha, drejtor i EAC Slovenian Business Club.
Takimet dhe aktivitetet e Klubit të biznesit do të intensifikohen edhe më shumë në ditët në vijim.
“Çdo ditë e më shumë është duke u shtuar interesi për t’u futur në këtë rrjet aktiv të sipërmarrësve kosovarë dhe atyre sllovenë, kështu që do jemi si pikë referuese e zhvillimeve kreative të të bërit biznes me partnerë europianë,” thotë ai. “Gjithashtu, ju ofrojmë mundësinë për t’u futur në këtë rrjet të gjitha bizneseve që kanë interesa për bashkëpunim me vendet e rajonit (info: në www.eac-ks.eu)”!
Ky ndërtim i bashkëpunimit përkrahet nga “SPIRIT”, agjenci e Ministrisë së Zhvillimit Ekonomik dhe Teknologjisë së Sllovenisë.
burimi: Telegrafi
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
