Piku i sezonit turistik, po intensifikon takimet e tatimorëve me sipërmarrësit në fushën e turizmit. Në një takim të zhvilluar në Tiranë, ekspertët e Drejtorisë Rajonale Tatimore u treguan sipërmarrësve planin e veprimit për sezonin.
Kërkesa kryesore për biznesin është të përmirësojnë vetëdeklarimin e qarkullimit dhe të pagesës së TVSH-së, për të gjithë muajt e sezonit turistik. Drejtori I drejtorisë së Tiranës, tha se, “tatimpaguesit, të cilët do të reagojnë pozitivisht ndaj ftesës së administratës tatimore që me deklaratën e TVSH-së së periudhës tatimore maj 2018 dhe në vijim gjatë muajve të tjerë të sezonit, nuk do të jenë objekt i kontrolleve të plota në vend, i vizitave fiskale, i monitorimit të xhiros së realizuar apo i kontrolleve nga zyra”.
Gjatë takimit, biznesi vlerësoi masën e marrë nga qeveria shqiptare për uljen e TVSH-së për strukturat akomoduese nga 20% në 6%.
Kërkesa në fakt, vjen për të gjitha bizneset e turizmit në Shqipëri. Tatimorët e dinë se vera rrit volumin e punës, ndaj vënë theksin të deklarohet edhe vëllimi shtësë i kësaj pune.
Pak ditë më parë, Drejtoria e Përgjithshme e Tatimeve bëri të ditur se, “Të gjithë, tatimpaguesve do t’u krijohet mundësia për të negociuar me përfaqësuesit e drejtorive përkatëse rajonale, në lidhje me kërkesën për të përmirësuar nivelin e përmbushjes vullnetare të detyrimeve për TVSH-në”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
