Tatimet njoftojnë për një lehtësim në procesin e faturimit - Business Magazine Albania

Tatimet njoftojnë për një lehtësim në procesin e faturimit

Tatimet

Drejtoria e Përgjithshme e Tatimeve, ka bërë një lehtësim për formatin e ri të faturës së thjeshtuar, në vijim të përmirësimeve të vazhdueshme të portalit Self-Care.

Ndryshimi i kryer nga Administrata Tatimore, në kuadër të zbatimit të Ligjit nr. 87/2019 “Për faturën dhe sistemin e monitorimit të qarkulllimit” i ndryshuar, synon ta lehtësojë sa më shumë këtë proces për tatimpaguesit.

Sipas VKM nr.220, datë 12.3.2020 “Për përcaktimin e kategorisë së tatimpaguesve dhe të kritereve të përdorimit të procedurës së thjeshtëzuar të fiskalizimit”, për tatimpaguesit që mund të lëshojnë fatura nga portali Self-Care, janë bërë ndryshimet e mëposhtme, për lëshimin e faturës së thjeshtuar.

  • Përmirësime në faturën e thjeshtuar
    • Shqipëria, shtet i parazgjedhur
    • Mundësia e lëshimit të faturës së thjeshtuar pa para në dorë
    • Metodat e pagesës pa para në dorë & përkthime
  • Balanca e parave në arkë – hapje automatike për tatimpaguesit, përdorues të Self-Care Portal sipas VKM 220, që lëshojnë faturë të thjeshtuar.

Lexo: Siguro vendin tënd në trajnimin më motivues të vitit

Drejtoria e Përgjithshme e Tatimeve sjell në vëmendje se për çdo problematikë të hasur në zbatimin e kësaj procedure, mund të kontaktoni duke komunikuar me HelpDesk për Fiskalizimin drejtpërsëdrejti nga portali i dedikuar http://helpdesk.tatime.gov.al/, të kontaktoni Shërbimin për Tatimpaguesit në çdo DRT apo të vizitoni në çdo moment faqen e internetit në menunë dedikuar Fiskalizimit, https://www.tatime.gov.al/c/424/fiskalizimi.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0