Taksat e tatimet mund t’i paguani edhe me këste

Taksat e tatimet mund t’i paguani edhe me këste

~3 minuta lexim


 

Sipërmarrjet që kanë detyrime të prapambetura tek Drejtora e Tatimeve, mund të lidhin një marrëveshje me administratën për t’i paguar detyrimet me këste.
Kusht për marrëveshjen është vërtetimi i kompanisë se e ka të pamundur të paguajë njëherësh detyrimin. Marrëveshja nuk mund të zgjashë më shumë se një vit e gjysëm, sipas tatimeve.

Tatimet pjesë e marrëveshjes janë:

Tatimi mbi Vlerën e Shtuar

Tatimi i mbajtur në burim

Kontributet për sigurimet shoqërore e shëndetësore

Ndonjë lloj takse e cila llogaritet, mblidhet e mbahet nga tatimpaguesi

Hapat për të nënshkruar një marrëveshje me këste janë:

  1. Kërkesë me shkrim drejtuar Drejtorisë Rajonale Tatimore nën juridiksionin e të cilës është regjistruar. (Këtu shpjeghen rrethanat dhe arsyet pse kërkohet të lidhet një marrëveshje për të paguar me këste detyrimet tatimore).
  2. Drejtoria Rajonale Tatimore, brenda 10 ditëve njofton nëse kërkesa pranohet apo refuzohet.
  3. Nëse kërkesa pranohet, nënshkruhet marrëveshja nga tatimpaguesi dhe drejtori i drejtorisë rajonale të tatimeve ose drejtuesi i njësisë së ngjashme me të. Marrëveshja nënshkruhet vetëm  nëse sipërmarrësi paguan menjëherë 20% të vlerës së detyrimit.

Tatimet ndërpresin mbledhjen me forcë të borxhit, por nuk tërheqin masën e vendosur për të siguruar pagesën e detyrimit tatimor. Nënshkrimi i marrëveshjes për pagesën me këste të detyrimit tatimor, nuk ndërpret llogaritjen e kamatvonesave për mospagim në afat të detyrimit të pa paguar.

Sipërmarrësi, ndaj pasurisë së të cilit ka dalë një vendim për masë sigurie qoftë në fomën e barrës së sigurisë apo barrës hipotekore, në rastet kur pretendohet se zbatimi i masave të sigurisë nuk është ekzekutuar në mënyrë të rregullt, ka të drejtë të paraqesë ankesë pranë Drejtorisë Rajonale Tatimore.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0